Padma Awards: ಅರ್ಜಿಗೆ ಇಂದು ಕೊನೇ ದಿನ

ನವದೆಹಲಿ: 2024ರ ಪದ್ಮ ಪುರಸ್ಕಾರಗಳಿಗೆ ಅರ್ಜಿ ಸಲ್ಲಿಸಲು, ಹೆಸರುಗಳನ್ನು ಶಿಫಾರಸು ಮಾಡಲು ಶುಕ್ರವಾರವೇ ಅಂತಿಮ ದಿನ (ಸೆ.15)! ದೇಶದ ಯಾವುದೇ ಪ್ರಜೆಗಳೂ ತಮ್ಮ ಅಥವಾ ಅನ್ಯರ ಹೆಸರನ್ನು ಸೂಚಿಸಬಹುದು, ಅದಕ್ಕೆ ಸಂಬಂ­ಧಿಸಿದ ದಾಖಲೆಗಳನ್ನು ಸಲ್ಲಿಸಬಹುದು.

ಈ ಎಲ್ಲ ಪ್ರಕ್ರಿಯೆಗಳನ್ನು ರಾಷ್ಟ್ರೀಯ ಪುರಸ್ಕಾರ ಪೋರ್ಟಲ್‌ ಮೂಲಕ ಅಂದರೆ ಆನ್‌ಲೈನ್‌ ಮೂಲಕವೇ ಮಾಡಬೇಕು. ಕಲೆ, ಸಾಹಿತ್ಯ, ಶಿಕ್ಷಣ, ಕ್ರೀಡೆ, ವೈದ್ಯಕೀಯ, ಸಾಮಾಜಿಕ ಕೆಲಸಗಳು, ವಿಜ್ಞಾನ, ಎಂಜಿನಿಯರಿಂಗ್‌, ವ್ಯಾಪಾರ, ಉದ್ಯಮ ಇತ್ಯಾದಿ ಯಾವುದೇ ಕ್ಷೇತ್ರಗಳಲ್ಲಿ ಅಮೋಘ ಎನಿಸುವ ಕೆಲಸ ಮಾಡಿದವರನ್ನು ಪ್ರಶಸ್ತಿಗೆ ಸೂಚಿಸಬಹುದು.