ಪಿ.ಟಿ. ಉಷಾಗೆ ವಿಶೇಷ ಗೌರವ

ಹೊಸದಿಲ್ಲಿ: ಆ್ಯತ್ಲೆಟಿಕ್‌ ಕ್ಷೇತ್ರದಲ್ಲಿ ಮಾಡಿದ ಅತ್ಯುನ್ನತ ಸೇವೆಗಾಗಿ ಭಾರತದ ಟ್ರ್ಯಾಕ್‌ ಆ್ಯಂಡ್‌ ಫೀಲ್ಡ್‌ ಲೆಜೆಂಡ್‌ ಪಿ.ಟಿ. ಉಷಾ ಅವರನ್ನು ಅಂತಾರಾಷ್ಟ್ರೀಯ ಅಸೋಸಿಯೇಶನ್‌ ಆಫ್ ಆ್ಯತ್ಲೆಟಿಕ್ಸ್‌ ಫೆಡರೇಶನ್‌ನ (ಐಎಎಎಫ್) ಗೌರವ ಸದಸ್ಯೆಯನ್ನಾಗಿ ನೇಮಕ ಮಾಡಲಾಗಿದೆ.

ಉಷಾ ಭಾರತದ ಸರ್ವಶ್ರೇಷ್ಠ ಸ್ಪ್ರಿಂಟರ್‌ಗಳಲ್ಲಿ ಒಬ್ಬರಾಗಿದ್ದು, “ಕ್ವೀನ್‌ ಆಫ್ ಟ್ರ್ಯಾಕ್‌ ಆ್ಯಂಡ್‌ ಫೀಲ್ಡ್‌’ ಎಂದೇ ಗುರುತಿಸಲ್ಪಡುತ್ತಾರೆ. ವಿಶ್ವ ಮಟ್ಟದಲ್ಲಿ ಐದು ಚಿನ್ನದ ಪದಕ ಗೆದ್ದಿದ್ದಾರೆ. 1985ರ ಏಶ್ಯನ್‌ ಗೇಮ್ಸ್‌ನಲ್ಲಿ ಕಂಚು ಜಯಿಸಿದ್ದಾರೆ. 1984ರ ಲಾಸ್‌ ಏಂಜಲೀಸ್‌ ಒಲಿಂಪಿಕ್ಸ್‌ನ 400 ಮೀ. ಹರ್ಡಲ್ಸ್‌ನಲ್ಲಿ ಕಂಚಿನ ಪದಕವನ್ನು ಸ್ವಲ್ಪದರಲ್ಲೇ ತಪ್ಪಿಸಿಕೊಂಡಿದ್ದರು.

ಐಎಎಎಫ್ “ವೆಟರನ್‌ ಪಿನ್‌’ ಗೌರವ ಸದಸ್ಯೆಯಾಗಿ ನೇಮಕ ಮಾಡಿರುವುದರಿಂದ ನಮಗೆ ಅತ್ಯಂತ ಸಂತಸವಾಗಿದೆ ಎಂದು ಐಎಎಎಫ್ ಸಿಇಒ ಜಾನ್‌ ರಿಜಿಯೋನ್‌ ಅಭಿನಂದಿಸಿದ್ದಾರೆ.