ಹಣಕೊಟ್ಟು ಆಕ್ಸಿಜನ್ ಖರೀದಿಸಿ: ಈ ನಗರದಲ್ಲಿದೆ ಆಕ್ಸಿಜನ್ ಬಾರ್

ಹೊಸದಿಲ್ಲಿ: ರಾಜಧಾನಿ ಹೊಸದಿಲ್ಲಿಯ ವಾಯು ಮಾಲಿನ್ಯದ ಬಗ್ಗೆ ಪ್ರತಿದಿನ ಸುದ್ದಿಗಳನ್ನು ಓದಿರುತ್ತೀರ. ವಾಯುಮಾಲಿನ್ಯ ಪರಿಸ್ಥಿತಿ ಹದಗೆಟ್ಟ ಕಾರಣದಿಂದ ದಿಲ್ಲಿಯಲ್ಲೀಗ ಉಸಿರಾಡುವುದೂ ಕಷ್ಟವಾಗಿದೆ.  ಆದರೆ ಇಲ್ಲೊಂದು ಕಡೆ ಇದಕ್ಕೆ ಪರಿಹಾರ ನೀಡಲು ಹೊಸ ಉಪಾಯ ಮಾಡಲಾಗಿದೆ.

ದೆಹಲಿಯಲ್ಲಿ ‘ಆಕ್ಸಿ ಪ್ಯೂರ್ ಬಾರ್’ ಆರಂಭವಾಗಿದೆ. ಆದರೆ ಇಲ್ಲಿ ಆಮ್ಲಜನಕ ಉಚಿತವಲ್ಲ, ಬದಲಾಗಿ ಇಂತಿಷ್ಟು ಎಂದು ಹಣ ಪಾವತಿ ಮಾಡಿದರೆ ಮಾತ್ರ ಆಮ್ಲಜನಕ ಸೇವಿಸಬಹುದು.

ದೆಹಲಿ ಜನತೆಗೆ ಪರಿಸರದಲ್ಲಿ ಸಿಗುವ ಉಚಿತ ಆಮ್ಲಜನಕ ಸೇವಿಸಲು ಸಾಧ್ಯವಾಗದೆ ಪರಿಸ್ಥಿತಿಯಲ್ಲಿದ್ದಾರೆ. ಹೀಗಾಗಿ ಈ ಆಕ್ಸಿ ಬಾರ್ ನಲ್ಲಿ ಶುದ್ಧ ಗಾಳಿ ಸೇವಿಸಬಹುದು.

 

ವಿಶೇಷವೆಂದರೆ ಇಲ್ಲಿ ಲೆಮೋನ್ ಗ್ರಾಸ್, ಆರೆಂಜ್, ಪೆಪ್ಪರ್ಮೆಂಟ್, ಲ್ಯಾವೆಂಡರ್ ಹೀಗೆ ಒಟ್ಟು ಏಳು ಅರೋಮಗಳಲ್ಲಿ ಇಲ್ಲಿ ಆಮ್ಲಜನಕ ಲಭ್ಯವಿದೆ. 15 ನಿಮಿಷ ಶುದ್ಧ ಆಮ್ಲಜನಕ ಸೇವಿಸಬೇಕಾದರೆ ನೀವು ಪಾವತಿ ಮಾಡಬೇಕಿರುವುದು ಕೇವಲ 299 ರೂಪಾಯಿ!