Advertisement
ಇತ್ತೀಚೆಗೆ ಕಟ್ಟಡ ಕುಸಿತ ಘಟನೆಗಳಲ್ಲಿ ಇಂಥ ಉದಾಹರಣೆಗಳನ್ನು ಕಾಣಬಹುದು. ಸೆ.27 ರಂದು ಲಕ್ಕಸಂದ್ರದಲ್ಲಿ 3 ಅಂತಸ್ತಿನ 60 ವರ್ಷ ಹಳೆಯ ಶಿಥಿಲವಾಗಿ ಕಟ್ಟಡ ಕುಸಿತವಾ ಯಿತು. ನಿರ್ವಹಣೆ ಇಲ್ಲದೆ ಕಟ್ಟಡ ಶಿಥಿಲಗೊಂಡಿದೆ ಎಂದು ತಿಳಿಸಿದ್ದರು, ಇದರ ಮಾಲೀಕ ಹಣದ ಆಸೆಗೆ ಮೆಟ್ರೋ ಕಾರ್ಮಿಕರಿಗೆ ಮನೆ ಬಾಡಿಗೆ ನೀಡಿದ್ದರು. ಬರೋಬ್ಬರಿ 40 ಮಂದಿ ಕಾರ್ಮಿಕರು ವಾಸವಿದ್ದರು.
Related Articles
Advertisement
ಕಟ್ಟಡ ನಿರ್ಮಾಣ, ಅಂತಸ್ತು ಹೆಚ್ಚಿಸುವವರಿಗೆ ತಜ್ಞರ ಸಲಹೆ
ಪಕ್ಕದಲ್ಲಿ ಬೇರೆ ಸ್ವತ್ತು ಇದ್ದರೆ ನಿವೇಶನ ಅಳತೆಗೆ ಅನುಸಾರ ಜಾಗ ಬಿಟ್ಟು ಕಟ್ಟಡವನ್ನು ನಿರ್ಮಿಸಬೇಕು. (ಸದ್ಯ 30/40 ಅಡಿ ವಿಸ್ತೀರ್ಣದ ಕಟ್ಟಡಕ್ಕೆ ಸುತ್ತ ಐದು ಅಡಿ ಅಂತರ ನಿಯಮವಿದೆ)
ನಿವೇಶನದ ನಡುವೆ ಎತ್ತರ ವ್ಯತ್ಯಾಸ ಇದ್ದಾಗ ಅರ್ಥ ರಿಟೈನಿಂಗ್ ವಾಲ್ (ಆನ್ ಸಿಸಿ) ಕಡ್ಡಾಯವಾಗಿ ನಿರ್ಮಿಸಬೇಕು.
ಪಾಯ ಹಾಕುವ ಮೂಲಕ ಮಣ್ಣಿನ ಪರೀಕ್ಷೆ ಮಾಡಿಸಿ ಅನುಮತಿ ಪಡೆದಷ್ಟು ಮಾತ್ರ ಅಂತಸ್ತು ನಿರ್ಮಿಸಬೇಕು.
ಹೆಚ್ಚುವರಿ ಅಂತಸ್ತು ಕಟ್ಟುವ ಮುಂಚೆ ಗುಣಮಟ್ಟ ಮತ್ತು ಜತೆಗೆ ಪಾಯ ಆಳ ಸಾಮರ್ಥ್ಯ ಪರೀಕ್ಷೆ ಮಾಡಿಸಬೇಕು.
ಕಡ್ಡಾಯವಾಗಿ ಎಂಜಿನಿಯರ್‌ಗಳು ನೀಡಿರುವ ವಿನ್ಯಾಸ ಪಾಲಿಸಬೇಕು.
ನಗರದಲ್ಲಿ ಸರಾಸರಿ 10 ರಲ್ಲಿ 3-4 ಕಟ್ಟಡಗಳು ಸೂಕ್ತ ನಿರ್ವಹಣೆ ಇರುವುದಿಲ್ಲ. ಬಹುತೇಕರು ಕಟ್ಟಡ ವಿನ್ಯಾಸ ಪಾಲನೆ ಮಾಡುವುದಿಲ್ಲ. ಈ ಎರಡು ಅಂಶಗಳನ್ನು ಸೂಕ್ತ ಪಾಲಿಸಿದರೆ ಕಟ್ಟಡಕ್ಕೆ ಭವಿಷ್ಯದಲ್ಲಾಗುವ ಹಾನಿ, ಅವಘಡಗಳನ್ನು ತಪ್ಪಿಸಬಹುದು. – ಟಿ.ವಿಶ್ವನಾಥ್, ಮುಖ್ಯ ಎಂಜಿನಿಯರ್, ಪಶ್ಚಿಮ ವಲಯ, ಬಿಬಿಎಂಪಿ
ಬಹುತೇಕ ಕಟ್ಟಡ ಮಾಲೀಕರು ಎಂಜಿನಿರ್‌ಗಳು ಹೇಳುವ ನಿಯಮ ಪಾಲಿಸುವುದಿಲ್ಲ. ವಿನ್ಯಾಸ/ ನಕ್ಷೆ ಪಾಲನೆ ವೇಳೆ ಹೆಚ್ಚು ಜಾಗಕ್ಕೆ, ನಿರ್ಮಾಣ ಸಾಮಗ್ರಿ ಗಳ ವಿಚಾರದಲ್ಲಿ ಹಣ ಉಳಿತಾಯಕ್ಕೆ, ಅನುಮತಿಗಿಂತ ಹೆಚ್ಚು ಅಂತಸ್ತು ಅಥವಾ ರೂಮ್ ನಿರ್ಮಿಸಲು ನೀಡುತ್ತಾರೆ. ಮಾಲೀಕರ ಲೆಕ್ಕಕ್ಕೆ ನಿಯಮಗಳು ಕೇವಲ ಕಾಗದಕ್ಕೆ ಸೀಮಿತವಷ್ಟೇ. – ಪ್ರವೀಣ್ ಕುಮಾರ್ ಜಿ ಮುಂದಾಸದ್, ಸಿವಿಲ್ ಎಂಜಿನಿಯರ್, ಖಾಸಗಿ ಕಂಪನಿ