ಗಿನ್ನೆಸ್‌ ದಾಖಲೆ ಸೇರಿದ ಕೇರಳ ಸಾಂಪ್ರದಾಯಿಕ ನೃತ್ಯ 

ಕಿಜಕ್ಕಂಬಾಲಂ: 21 ರಾಜ್ಯಗಳ 6,582 ಮಹಿಳೆಯರು ಒಟ್ಟಿಗೇ ಕೇರಳದ ಸಾಂಪ್ರದಾಯಿಕ ನೃತ್ಯ ತಿರುವಾದಿರಕ್ಕಳಿ ಪ್ರದರ್ಶಿಸಿದರು. ಈ ಸಾಧನೆ ಗಿನ್ನಿಸ್‌ ದಾಖಲೆ ಸೇರಿತು. ಈ ನೃತ್ಯ ಪ್ರದರ್ಶನ 16 ನಿಮಿಷಗಳು ನಡೆಯಿತು. 

ಕೇರಳ ಸಂಪ್ರದಾಯಿಕ ಮಂಡು ಮತ್ತು ನೆರಿಯಟು ತೊಟ್ಟಿದ್ದ 10ರಿಂದ 75 ವರ್ಷ ವಯೋಮಾದ ಮಹಿಳೆಯರು ಇದರಲ್ಲಿ ಪಾಲ್ಗೊಂಡಿದ್ದರು. ಈ ಕಾರ್ಯಕ್ರಮವನ್ನು ಟ್ವೆಂಟಿ20, ಕಿಟೆಕ್ಸ್‌ ಮತ್ತು ಚವಾರ ಕಲ್ಚರಲ್‌ ಸೆಂಟರ್‌ ಒಟ್ಟಾಗಿ ಆಯೋಜಿಸಿದ್ದವು. ಗಿನ್ನಿಸ್‌ ದಾಖಲೆ ಪ್ರಮಾಣ ಪತ್ರ ಸ್ವೀಕರಿಸಿ ಮಾತನಾಡಿದ ಟ್ವೆಂಟಿ 20 ಅಧ್ಯಕ್ಷ ಸಬು ಜಾಕೊಬ್‌, ಈ ಕಾರ್ಯಕ್ರಮ ಯಾವ ದಾಖಲೆಗಾಗಿಯೂ ಆಯೋಜಿಸಿದ್ದಲ್ಲ. ಕೇರಳೀಯರನ್ನು ಒಗ್ಗೂಡಿಸಲು ಮತ್ತು ಸಾಂಪ್ರದಾಯಕ ನೃತ್ಯಕ್ಕೆ ಪ್ರೋತ್ಸಾಹ ನೀಡಲು ಆಯೋಜಿಸಿದ್ದು ಎಂದು ಹೇಳಿದರು. ಈ ನೃತ್ಯ ಪ್ರದರ್ಶನದಲ್ಲಿ 2,500 ಕೇರಳಿಗರಿದ್ದರು ಜತೆಗೆ 20 ಇತರ ರಾಜ್ಯಗಳ ಮಹಿಳೆಯರಿದ್ದರು.