ಪಾಕ್‌ ಜೈಲಲ್ಲಿ 470 ಭಾರತೀಯರು

ಇಸ್ಲಾಮಾಬಾದ್‌: 418 ಮಂದಿ ಮೀನುಗಾರರು ಸೇರಿದಂತೆ ಒಟ್ಟು 470 ಮಂದಿ ಭಾರತೀಯರು ಪಾಕಿಸ್ಥಾನದ ಜೈಲುಗಳಲ್ಲಿದ್ದಾರೆ ಎಂದು ಸುಪ್ರೀಂಗೆ ಕೇಂದ್ರ ಸರಕಾರ ಮಾಹಿತಿ ನೀಡಿದೆ. ಅದೇ ರೀತಿ, 357 ಮಂದಿ ಪಾಕಿಸ್ತಾನೀಯರು ಭಾರತದ ಜೈಲುಗಳಲ್ಲಿದ್ದಾರೆ ಎಂದು ಕೋರ್ಟ್‌ಗೆ ಸಲ್ಲಿಸಿದ ವರದಿಯಲ್ಲಿ ಮಾಹಿತಿ ನೀಡಲಾಗಿದೆ. ಎರಡೂ ದೇಶಗಳ ನಡುವಿನ ಸಂಬಂಧ ಹಳಸಿರುವ ಕಾರಣ 2013ರ ಅಕ್ಟೋಬರ್‌ನಿಂದ ಪಾಕ್‌-ಭಾರತ ನ್ಯಾಯಾಂಗ ಸಮಿತಿ ಮಾತುಕತೆ ನಡೆಸಿಲ್ಲ ಎಂದೂ ಹೇಳಲಾಗಿದೆ.