Advertisement
ಗೆಲ್ಲಲು 204 ರನ್‌ ಗಳಿಸುವ ಸುಲಭ ಸವಾಲು ಪಡೆದ ಆಸ್ಟ್ರೇಲಿಯ ತಂಡವು ಪಾಕಿಸ್ಥಾನದ ದಾಳಿಗೆ ಕುಸಿಯ ತೊಡಗಿತು. ಮಧ್ಯಮ ಕ್ರಮಾಂಕದಲ್ಲಿ ಹಲವು ವಿಕೆಟ್‌ ಉರುಳಿದ ಕಾರಣ ತಂಡ 155 ರನ್‌ ತಲಪುವಷ್ಟರಲ್ಲಿ 7 ವಿಕೆಟ್‌ ಕಳೆದುಕೊಂಡು ಒದ್ದಾಡುತ್ತಿತ್ತು. ಆಬಳಿಕ ಕಮಿನ್ಸ್‌ ತಾಳ್ಮೆಯ ಆಟವಾಡಿದ್ದರಿಂದ ಆಸ್ಟ್ರೇಲಿಯ 33.3 ಓವರ್‌ಗಳಲ್ಲಿ 8 ವಿಕೆಟಿಗೆ 204 ರನ್‌ ಬಾರಿಸಿ ಜಯ ಸಾಧಿಸಿತು. 31 ಎಸೆತಗಳಿಂದ 32 ರನ್‌ ಗಳಿಸಿದ ಕಮಿನ್ಸ್‌ ತಂಡದ ಗೆಲುವಿನ ರೂವಾರಿಯಾಗಿ ಕಾಣಿಸಿಕೊಂಡರು.
ತವರಿನಲ್ಲಿ 54ನೇ ಏಕದಿನ ಪಂದ್ಯವ ನ್ನಾಡಿದ ಸ್ಟಾರ್ಕ್‌ 100 ವಿಕೆಟ್‌ ಪೂರ್ತಿ ಗೊಳಿಸುವ ಮೂಲಕ ಬ್ರೆಟ್‌ ಲೀ ಸ್ಥಾಪಿ ಸಿದ ದಾಖಲೆಯನ್ನು ಮುರಿದರು. ಬ್ರೆಟ್‌ ಲೀ ಅವರು 55 ಪಂದ್ಯಗಳಲ್ಲಿ ಈ ಸಾಧನೆ ಮಾಡಿದ್ದರು. ಆಸ್ಟ್ರೇಲಿಯದ ಏಕದಿನ ಬೌಲರ್‌ಗಳ ಪೈಕಿ ಅವರೀಗ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಗ್ಲೆನ್‌ ಮೆಕ್‌ಗ್ರಾಥ್‌, ಬ್ರೆಟ್‌ ಲೀ ಮತ್ತು ಶೇನ್‌ ವಾರ್ನ್ ಮೊದಲ ಮೂವರು ಬೌಲರ್‌ಗಳು.
Related Articles
Advertisement
ಸಂಕ್ಷಿಪ್ತ ಸ್ಕೋರು: ಪಾಕಿಸ್ಥಾನ 46.4 ಓವರ್‌ಗಳಲ್ಲಿ 203 (ಮೊಹಮ್ಮದ್‌ ರಿಜ್ವಾನ್‌ 44, ನಶೀಮ್‌ ಷಾ 40, ಬಾಬರ್‌ ಅಜಂ 37, ಸ್ಟಾರ್ಕ್‌ 33ಕ್ಕೆ 3, ಕಮಿನ್ಸ್‌ 39ಕ್ಕೆ 2, ಝಂಪ 64ಕ್ಕೆ 2); ಆಸ್ಟ್ರೇಲಿಯ 33.3 ಓವರ್‌ಗಳಲ್ಲಿ 8 ವಿಕೆಟಿಗೆ 204 (ಇಂಗ್ಲಿಷ್‌ 49, ಸ್ಟೀವ್‌ ಸ್ಮಿತ್‌ 44, ಕಮಿನ್ಸ್‌ 32 ಔಟಾಗದೆ, ಹ್ಯಾರಿಸ್‌ ರವೂಫ್ 67ಕ್ಕೆ 3, ಶಾಹೀನ್‌ ಶಾ ಅಫ್ರಿದಿ 43ಕ್ಕೆ 2).