ಗದಗ: ಕಾಂಪೌಂಡ್ ಗೆ ಗುದ್ದಿದ ಸರ್ಕಾರಿ ಬಸ್ 28ಕ್ಕೂ ಹೆಚ್ಚು ಮಂದಿಗೆ ಗಾಯ

ರೋಣ(ಗದಗ): ಮುಖ್ಯ ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಸರಕಾರಿ ಬಸ್ಸೊಂದ್ದನ್ನು ಚಾಲಕ ಸೂಚನೆ ನೀಡದೆ ಬಸ್ ಡಿಪ್ಪೋ ಗೆ ತಿರುಗಿಸಿದ ಪರಿಣಾಮ ಹಿಂದಿನಿಂದ ಓವರ್ ಟೇಕ್ ಭರಾಟೆಯಲ್ಲಿ ಬರುತಿದ್ದ ಇನ್ನೊಂದು ಸರಕಾರಿ ಬಸ್ ಚಾಲಕನ ನಿಯಂತ್ರಣ ತಪ್ಪಿ ಡಿಪ್ಪೋ ಕಾಂಪೌಂಡ್ ಗೆ ಗುದ್ದಿದ ಪರಿಣಾಮ ಬಸ್ಸಿನಲ್ಲಿದ್ದ ಸುಮಾರು 28 ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿರುವ ಘಟನೆ ಗದಗ ಜಿಲ್ಲೆಯ ರೋಣ ಪಟ್ಟಣದಲ್ಲಿ ರವಿವಾರ ಸಂಭವಿಸಿದೆ.

ಗಾಯಗೊಂಡವರನ್ನು ಹತ್ತಿರದ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಗಿದೆ, ಎದುರಿನಿಂದ ಚಲಿಸುತ್ತಿದ್ದ ಬಸ್ ಸಿಗ್ನಲ್ ತೋರಿಸದೇ ಡಿಪೋ ಒಳಗೆ ತಿರುಗಿಸಿದ ಪರಿಣಾಮ ಹಿಂಬದಿಯಿಂದ ಓವರ್ ಟೇಕ್ ಮಾಡಿಕೊಂಡು ಬರುತ್ತಿದ್ದ ಗದಗ- ಬಾಗಲಕೋಟೆ ಬಸ್ ಚಾಲಕ ಗಾಬರಿಗೊಂಡು ಕಾಂಪೌಂಡ್ ಗೆ ಡಿಕ್ಕಿ ಹೊಡೆದಿದ್ದಾನೆ.

ರೋಣ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.