ಹಲ್ಲೆಗೊಳಗಾಗಿರುವ ಇನ್ನಾ ಗ್ರಾಮದ ವಿಜೇತಾ ಅವರು ಪತಿ ಲತೀಶ್‌ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ. ನಾವು ಉಡುಪಿ ಕಾಡಬೆಟ್ಟು ಪುಳಿಮಾರು ಜಂಕ್ಷನ್‌ ಬಳಿಯ ಜನಕ ಅಪಾರ್ಟ್‌ ಮೆಂಟ್‌ಗೆ ಹೋಗಿ ಅಲ್ಲಿ ಒಂದು ತಿಂಗಳು ಕಳೆದಿದ್ದೆವು. ಜೂ. 19ರಂದು ಅವಾಚ್ಯ ಶಬ್ದಗಳಿಂದ ನಿಂದಿಸಿ ಪತಿ ಹಲವು ಬಾರಿ ಹಲ್ಲೆ ನಡೆಸಿದ್ದರು ಎಂದು ದೂರಿನಲ್ಲಿ ತಿಳಿಸಲಾಗಿದೆ.
Advertisement
ಈ ಬಗ್ಗೆ ಉಡುಪಿ ಮಹಿಳಾ ಠಾಣೆ ಹಾಗೂ ಪೊಲೀಸ್‌ ಮೇಲ ಧಿಕಾರಿಯವರಿಗೆ ದೂರು ನೀಡಿದ್ದು, ವಿಚಾರಣೆ ಸಮಯ ಆರೋಪಿ ಮುಂದಕ್ಕೆ ಒಳ್ಳೆಯ ರೀತಿಯಿಂದ ನೋಡಿಕೊಳ್ಳುವುದಾಗಿ ಒಪ್ಪಿದ್ದ. ಬಳಿಕ ವಿಜೇತಾ ಪತಿ ಮನೆಗೆ ಹೋಗಿರಲಿಲ್ಲ. ಆ. 19ರಂದು ಪತಿ ಮನೆಗೆ ಹೋಗಿದ್ದಾಗ ಆರೋಪಿಯು, ನನ್ನ ಮೇಲೆ ಪೊಲೀಸ್‌ ದೂರು ನೀಡುತ್ತೀಯಾ ಎಂದು ಪ್ರಶ್ನಿಸಿ ಹಲ್ಲೆ ನಡೆಸಿದ್ದ. ಈ ಬಗ್ಗೆ ಲತೀಶ್‌ ಮತ್ತು ಆತನ ತಾಯಿ ಲಕ್ಷ್ಮೀ ಮೇಲೆ ಕ್ರಮ ಕೈಗೊಳ್ಳುವಂತೆ ದೂರಿನಲ್ಲಿ ಕೋರಿದ್ದಾರೆ.