Advertisement

ಭಾರತೀಯ ಮಾರುಕಟ್ಟೆಗೆ ಒಪ್ಪೋ ರೆನೋ 5 ಪ್ರೋ 5G ಎಂಟ್ರಿ. ವಿಶೇಷತೆಗಳೇನು?

08:15 PM Jan 24, 2021 | Team Udayavani |

ನವದೆಹಲಿ: ಪ್ರಸಿದ್ಧ ಸ್ಮಾರ್ಟ್ ಪೋನ್ ಕಂಪನಿಯಾಗಿರುವ ಒಪ್ಪೋ ತನ್ನ ಒಪ್ಪೋ ರೆನೋ 5 ಪ್ರೋ 5G ಸರಣಿಯ ಮೊಬೈಲ್ ಪೋನ್ ಅನ್ನು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದೆ. ತನ್ನ ಹಳೆ ಆವೃತ್ತಿಯ ಸ್ಮಾರ್ಟ್ ಪೋನ್ ಗಳಿಗಿಂತ ವಿಭಿನ್ನವಾದ ಫೀಚರ್ ಗಳೊಂದಿಗೆ ಮಾರುಕಟ್ಟೆಗೆ ಲಗ್ಗೆ ಇಟ್ಟಿರುವ ಈ ಸ್ಮಾರ್ಟ್ ಪೋನ್, ಮೀಡಿಯಾ ಟೆಕ್ ಡೈಮೆನ್ಸಿಟಿ 1000+ ಚಿಪ್ ಸೆಟ್ ಅನ್ನು ಒಳಗೊಂಡಿದ್ದು, ಕ್ವಾಡ್ ರೇರ್ ಕ್ಯಾಮರಾದೊಂದಿಗೆ 20:9 ಡಿಸ್ ಪ್ಲೇ ಅನ್ನು ಹೊಂದಿದೆ.

Advertisement

ಈ ಸ್ಮಾರ್ಟ್ ಪೋನ್ ಜೊತೆಗೆ ಟ್ರೂ ವಯರ್ ಲೆಸ್ ಸ್ಟೀರಿಯೋ (TWS) ಇಯರ್ ಬಡ್ಸ್ ಕೂಡಾ ಬಳಕೆದಾರರಿಗೆ ಲಭ್ಯಗೊಳ್ಳಲಿದ್ದು, ಇದು 3.0 ಸೌಂಡ್ ಸಿಸ್ಟಮ್ ನೊಂದಿಗೆ ಅದ್ಭುತ ನೋಯ್ಸ್ ಕ್ಯಾನ್ಸಲೇಷನ್ ಸಾಮರ್ಥ್ಯವನ್ನು ಹೊಂದಿದೆ.

ಒಪ್ಪೋ ರೆನೋ 5 ಪ್ರೋ 5G ವೈಶಿಷ್ಟ್ಯತೆಗಳು

ಭಾರತೀಯ ಮಾರುಕಟ್ಟೆಗೆ ಬಿಡುಗಡೆಗೊಂಡಿರುವ ಒಪ್ಪೋ ರೆನೋ 5 ಪ್ರೋ 5G ಸ್ಮಾರ್ಟ್ ಪೋನ್ ಡ್ಯೂವೆಲ್ ನ್ಯಾನೋ ಸಿಮ್ ಗಳ ಸೌಲಭ್ಯವನ್ನು ಹೊಂದಿದ್ದು, ಓಕ್ಟಾ ಕೋರ್  ಮೀಡಿಯಾ ಟೆಕ್ ಡೈಮೆನ್ಸಿಟಿ 1000+ SoC ಇದೆ. ಜೊತೆಗೆ 8 GB ಯ LPDDR4x RAM ಅನ್ನು ಕಾಣಬಹುದಾಗಿದೆ.

ಡಿಸ್ ಪ್ಲೇ

Advertisement

ಈ ಸ್ಮಾರ್ಟ್ ಪೋನ್ 6.55 ಇಂಚಿನ ಫುಲ್ ಹೆಚ್ ಡಿ + OLED ಡಿಸ್ ಪ್ಲೇ (1,080X 2,400) ಅನ್ನು ಒಳಗೊಂಡಿದ್ದು, ಜೊತೆಗೆ 20:9 aspect ratio ವನ್ನು ಇದರಲ್ಲಿ ಕಾಣಬಹುದಾಗಿದೆ. ಹಾಗೂ ಇದು ಡಿಸ್ ಪ್ಲೆ ಫಿಂಗರ್ ಫ್ರಿಂಟ್ ಸೌಲಭ್ಯವನ್ನು ಒಳಗೊಂಡಿದೆ.

ಕ್ಯಾಮಾರಾ

ಕ್ವಾಡ್ ರೇರ್ ಕ್ಯಾಮರಾದೊಂದಿಗೆ ಮಾರುಕಟ್ಟೆಯನ್ನು ಪ್ರವೇಶಿಸಿರುವ ಈ ಸ್ಮಾರ್ಟ್ ಪೋನ್, 64 MP ಪ್ರಾಥಮಿಕ ಕ್ಯಾಮರಾವನ್ನು ಹೊಂದಿದ್ದು, 8 MP ಸೆಕೆಂಡರಿ ಸೆನ್ಸರ್ ಕ್ಯಾಮರಾ ಇದ್ದರಲ್ಲಿ ಕಾಣಬಹುದಾವುಗಿದೆ. ಇದರ ಜೊತೆಗೆ 2 MP ಮೈಕ್ರೊ ಶೂಟರ್ ಹಾಗೂ 2 MP ಮೋನೋ ಕ್ರೋಮ್ ಸೆನ್ಸರ್ ಅನ್ನು ಇದು ಒಳಗೊಂಡಿದೆ.

ಇದನ್ನೂ ಓದಿ:ಮಂಗಳೂರಿನಲ್ಲಿ ಸಿದ್ದವಾಗಲಿದೆ ಪ್ಲಾಸ್ಟಿಕ್‌ ಪಾರ್ಕ್: ಸಚಿವ ಡಿ ವಿ ಸದಾನಂದ ಗೌಡ

ಸ್ಟೋರೇಜ್ 

ಇದು 128 GB ಯ UFS 2.1 ಸ್ಟೋರೇಜ್ ಅನ್ನು ತನ್ನಲ್ಲಿ ಇರಿಸಿಕೊಂಡಿದೆ. ಆದರೆ ಮೈಕ್ರೋ SD ಕಾರ್ಡ್ ನ ಮೂಲಕ ಹೆಚ್ಚಿನ ಸ್ಟೋರೇಜ್ ಅನ್ನು ಪಡೆಯಲು ಈ ಮೊಬೈಲ್ ಪೋನ್ ನಲ್ಲಿ ಸಾಧ್ಯವಾಗುವುದಿಲ್ಲ. ಬದಲಾಗಿ 12 ತಿಂಗಳ ಉಚಿತ ಕ್ಲೌಡ್ ಸ್ಟೋರೇಜ್ ಸೌಲಭ್ಯ ಬಳಕೆದಾರರಿಗೆ ಲಭ್ಯವಿದೆ.

ಬ್ಯಾಟರಿ ಸಾಮರ್ಥ್ಯ

ಈ ಮೊಬೈಲ್ ಪೋನ್ ಒಟ್ಟು 4.350mAh  ಬ್ಯಾಟರಿ ಸಾಮರ್ಥ್ಯದೊಂದಿದೆ, 65W ಸೂಪರ್ VOOC2.0 ಫಾಸ್ಟ್ ಚಾರ್ಜಿಂಗ್ ವ್ಯವಸ್ಥೆಯನ್ನು ತನ್ನದಾಗಿಸಿಕೊಂಡಿದೆ.

ಇದನ್ನೂ ಓದಿ: ದೆಹಲಿಯ ಖಾನ್ ಮಾರ್ಕೆಟ್ ಬಳಿ ‘ಪಾಕಿಸ್ತಾನ್ ಜಿಂದಾಬಾದ್’ ಘೋಷಣೆ ಕೂಗಿದ ದೇಶದ್ರೋಹಿಗಳು

ಬಣ್ಣಗಳ ಲಭ್ಯತೆ

ಇದು ಆಸ್ಟ್ರಲ್ ಬ್ಲೂ ಹಾಗೂ ಸ್ಟಾರಿ ಬ್ಲ್ಯಾಕ್ ಬಣ್ಣಗಳಲ್ಲಿ ಬಳಕೆದಾರರಿಗೆ ಲಭ್ಯವಿದೆ.

ಬೆಲೆ
ಒಪ್ಪೋ ರೆನೋ 5 ಪ್ರೋ 5G ಸ್ಮಾರ್ಟ್ ಪೋನ್ ಪ್ಲಿಫ್ ಕಾರ್ಟ್ ಅನ್ನು ಒಳಗೊಂಡಂತೆ ಹಲವು ಆನ್ ಲೈನ್ ಮಾರುಕಟ್ಟೆ ಮಳಿಗೆಗಳಲ್ಲಿ ಲಭ್ಯವಿದ್ದು, 8GB RAM + 128 GB ಸ್ಟೋರೇಜ್ ಅನ್ನು ಒಳಗೊಂಡಿರುವ ಸ್ಮಾರ್ಟ್ ಪೋನ್ 35,990 ರೂಗಳಿಗೆ ದೊರಕಲಿದೆ.  ಬ್ಯಾಂಕ್ ಆಫ್ ಬರೋಡಾ, ಫೆಡರಲ್ ಬ್ಯಾಂಕ್ ಗಳ ಕಾರ್ಡ್ ಗಳನ್ನು ಬಳಸಿ ಸ್ಮಾರ್ಟ್ ಪೋನ್ ಖರೀದಿಸುವವರು ರೂ. 2.500 ರ ವರೆಗೆ ಕ್ಯಾಶ್ ಬ್ಯಾಕ್ ಸೌಲಭ್ಯವನ್ನು ಪಡೆದುಕೊಳ್ಳಬಹುದಾಗಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next