ಮಾರ್ಚ್ ನಲ್ಲಿ ಮಾರುಕಟ್ಟೆಗೆ OPPO X3 ಪ್ರೋ ಸ್ಮಾರ್ಟ್ ಪೋನ್: ಆಸಕ್ತಿದಾಯಕ ಫೀಚರ್ ಗಳು !

ನವದೆಹಲಿ: ವಿಶ್ವದ ಪ್ರಸಿದ್ಧ ಸ್ಮಾರ್ಟ್ ಪೋನ್ ಕಂಪನಿಯಾಗಿರುವ OPPO ಇತೀಚೆಗಷ್ಟೆ ತನ್ನ X2 ಆವೃತ್ತಿಯ ಮೊಬೈಲ್ ಪೋನ್ ಅನ್ನು ಬಿಡುಗಡೆಗೊಳಿಸಿದ್ದು, ಈ ನಡುವೆ ಮುಂಬರುವ ಮಾರ್ಚ್ ನಲ್ಲಿ  ಇನ್ನೊಂದು ಹೊಸ ಆವೃತ್ತಿಯ X3 ಪ್ರೋ ಸ್ಮಾರ್ಟ್ ಫೋನ್ ಅನ್ನು ಬಿಡುಗಡೆಗೊಳಿಸಲು ತಯಾರಿ ನಡೆಸಿದೆ. ಈ ಕುರಿತಾದ ಮಾಹಿತಿಯನ್ನು ಕಂಪನಿ ಅಧಿಕೃತವಾಗಿ ಹಂಚಿಕೊಳ್ಳುವ  ಮೊದಲೇ ಸಾಮಾಜಿಕ ಜಾಲತಾಣಗಳಲ್ಲಿ ಮಾಹಿತಿ ಸೋರಿಕೆಯಾಗಿದೆ.

ಈ ಹೊಸ ಆವೃತ್ತಿಯ ಸ್ಮಾರ್ಟ್ ಪೋನ್ ಹಿಂಭಾಗದಲ್ಲಿ ವಿಶಿಷ್ಟವಾದ ಕ್ಯಾಮರಾ ಬಂಪ್ ಇರಲಿದ್ದು, ಇದು ಐಪೋನ್ -12 ಆವೃತ್ತಿಯ ಕ್ಯಾಮರಾವನ್ನು ಹೋಲಲಿದೆ ಎಂದು ಹೇಳಲಾಗುತ್ತಿದೆ.

OPPO X3 ನ ವೈಶಿಷ್ಟ್ಯತೆಗಳು

ಹೊಸ ಮಾದರಿಯಲ್ಲಿ ಮಾರುಕಟ್ಟೆಗೆ ತಲುಪಲಿರುವ OPPO X3 ಪ್ರೋ ಸ್ಮಾರ್ಟ್ ಪೋನ್ ತನ್ನ ಹಳೆಯ ಆವೃತ್ತಿಗಳಿಗಿಂತ ಹಲವಾರು ವಿಭಿನ್ನ ವೈಶಿಷ್ಟ್ಯತೆಗಳನ್ನು  ಹೊಂದಿರಲಿದೆ ಎನ್ನಲಾಗಿದೆ. ಇದು ಬರೋಬ್ಬರಿ 6.7 ಇಂಚಿನ ಕರ್ವ್ಡ್ ಡಿಸ್ ಪ್ಲೇ ಅನ್ನು ಒಳಗೊಂಡಿರಲಿದ್ದು, 1440p OLED  ಸ್ಕ್ರೀನ್ ಅನ್ನು ಒಳಗೊಂಡಿರಲಿದೆ.

ಈ ಸ್ಮಾರ್ಟ್ ಪೋನ್ ಡಿಸ್ ಪ್ಲೇನ ಎಡಭಾಗದಲ್ಲಿ ಪಂಚ್ ಹೋಲ್ ಇರಲಿದ್ದು, 25 X ಮೈಕ್ರೋ ಸ್ಕೊಪ್ ಮ್ಯಾಕ್ರೋ ಲೆನ್ಸ್ ಸುತ್ತಲೂ ಲೈಟ್ ರಿಂಗ್ ಅನ್ನು ಹೊಂದಿರಲಿದೆ. ಅಲ್ಲದೆ ಇದರಲ್ಲಿ ಕ್ವಾಲ್ ಕಾಂ ಸ್ನ್ಯಾಪ್ ಡ್ರ್ಯಾಗನ್ 888 ಪ್ರೊಸೆಸರ್ ಅನ್ನು ಅಳವಡಿಸಲಾಗಿದೆ.

ಕ್ಯಾಮರಾ: ಈ ಮೊಬೈಲ್ ಪೋನಿನ 2 ಕ್ಯಾಮರಾಗಳು ಸೋನಿ ಸೆನ್ಸರ್ ಅನ್ನು ಒಳಗೊಂಡಿರಲಿದೆ ಎನ್ನಲಾಗುತ್ತಿದ್ದು, ಒಂದು ಕ್ಯಾಮರಾದಲ್ಲಿ 50 MP  ಕಸ್ಟಮ್ ಮೈನ್ ಸೆನ್ಸರ್ ಹಾಗೂ ಇನ್ನೊಂದು ಕ್ಯಾಮಾರಾದಲ್ಲಿ ಅಲ್ಟ್ರಾವೈಡ್ ಸೆನ್ಸರ್ ಇರಲಿದೆಯಂತೆ. ಇನ್ನು ಮೂರನೇ ಕ್ಯಾಮರಾ ಜೂಮ್ ಲೆನ್ಸ್ ಅನ್ನು ಒಳಗೊಂಡಿರಲಿದ್ದು, 2X ಅಥವಾ 3x  ಆಪ್ಟಿಕಲ್ ಜೂಮ್ ಅನ್ನು ಹೊಂದಿರಲಿದೆ. ಈ ನಡುವೆ ತನ್ನ X2  ಆವೃತ್ತಿಯ ಸ್ಮಾರ್ಟ್ ಪೋನ್ ನಲ್ಲಿ ಕಂಡುಬಂದಂತಹ ಟೆಲಿಫೋಟೋವನ್ನು ಇದು ಹೊಂದಿರುವುದಿಲ್ಲ  ಎನ್ನಲಾಗಿದೆ.

ಇದನ್ನೂ ಓದಿ:ಮಾರುಕಟ್ಟೆಗೆ ಲಗ್ಗೆ ಇಟ್ಟಿರುವ ಮಾಸ್ಕ್ ಪೋನ್ ಹೆಡ್ ಸೆಟ್

ಚಾರ್ಜಿಂಗ್ ಸೌಲಭ್ಯ

OPPO X3 ಪ್ರೋ ಆವೃತ್ತಿಯ ಸ್ಮಾರ್ಟ್ ಪೋನ್ ವಯರ್ ಲೆಸ್ ಚಾರ್ಜಿಂಗ್ ವ್ಯವಸ್ಥೆಯನ್ನು ಹೊಂದಿರಲಿದ್ದು, ಇದರ ಜೊತೆ ಜೊತೆಗೆ ವಯರ್ ಒಳಗೊಂಡ ಫಾಸ್ಟ್ ಚಾರ್ಜಿಂಗ್ ವ್ಯವಸ್ಥೆಯನ್ನೂ ಮಾಡಲಾಗಿದೆ.

ಬಣ್ಣಗಳ ಲಭ್ಯತೆ

ಈ ಹೊಸ ಮೊಬೈಲ್ ಪೋನ್ ಬಿಳಿ, ಕಪ್ಪು ಬಣ್ಣಗಳನ್ನು ಒಳಗೊಂಡಂತೆ ಗೋಲ್ಡನ್ ಕಲರ್ ನಲ್ಲಿಯೂ ಗ್ರಾಹಕರಿಗೆ ಲಭ್ಯವಾಲಿದೆ ಎಂದು ತಿಳಿದುಬಂದಿದೆ.

ಇದನ್ನೂ ಓದಿ:ಟಾಟಾ ಆಲ್ಟ್ರೋಜ್‌ ಟರ್ಬೋ ಅನಾವರಣ : ನಾಳೆಯಿಂದ ಬುಕಿಂಗ್‌ಗೆ ಅವಕಾಶ