ನಮ್ಮ ಅಪ್ಪಾಜಿ ಕ್ಯಾಂಟೀನ್‌ಗೆ ಕಾರ್ಯಾರಂಭ

ಬೆಂಗಳೂರು: ಹನುಮಂತನಗರದಲ್ಲಿ ನೂತನವಾಗಿ ಆರಂಭವಾಗಿರುವ “ನಮ್ಮ ಅಪ್ಪಾಜಿ ಕ್ಯಾಂಟೀನ್‌’ಗೆ ಸ್ಪಟಿಕಪುರಿ ಮಠದ ನಂಜಾಧೂತ ಸ್ವಾಮೀಜಿ ಬುಧವಾರ ಚಾಲನೆ ನೀಡಿದರು. ವಿಧಾನ ಪರಿಷತ್‌ ಸದಸ್ಯ ಟಿ.ಎ.ಶರವಣ ಅವರು ಆರಂಭಿಸಿರುವ ಕ್ಯಾಂಟೀನ್‌ನಲ್ಲಿ 5 ರೂ. ದರದಲ್ಲಿ ಇಡ್ಲಿ- ವಡೆ, ಖಾರಾಬಾತ್‌, ಕೇಸರಿಬಾತ್‌, 3 ರೂ.ಗೆ ಕಾಫಿ- ಟೀ, 10 ರೂ.ಗೆ ಮುದ್ದೆ- ಬಸ್ಸಾರು, ಅನ್ನ- ಸಾಂಬಾರು ಹಾಗೂ ರೈಸ್‌ಬಾತ್‌ ವಿತರಿಸಲಾಗುತ್ತದೆ.

“ನಮ್ಮ ಅಪ್ಪಾಜಿ ಕ್ಯಾಂಟೀನ್‌’ಗೆ ಚಾಲನೆ ನೀಡುವ ಕಾರ್ಯಕ್ರಮದಲ್ಲಿ ಮಾಜಿ ಪ್ರಧಾನಿ ಎಚ್‌.ಡಿ.ದೇವೇಗೌಡ, ಪತ್ನಿ ಚೆನ್ನಮ್ಮ, ಮಾಜಿ ಸಚಿವ ಬಸವರಾಜ ಹೊರಟ್ಟಿ, ಉಪಮೇಯರ್‌ ಆನಂದ್‌ ಇತರರು ಉಪಸ್ಥಿತರಿದ್ದರು.