ಬೆಳಗಾವಿ: ಇಲ್ಲಿನ ಮಜಗಾವಿಯಲ್ಲಿ ರಾಹುಲ್‌ ಜಾರಕಿಹೊಳಿ ಅಭಿಮಾನಿ ಬಳಗವನ್ನು ರವಿವಾರ ಯುವ ನಾಯಕ ರಾಹುಲ್‌ ಜಾರಕಿಹೊಳಿ ಉದ್ಘಾಟಿಸಿದರು. ನಂತರ ಮಾತನಾಡಿದ ರಾಹುಲ್‌, ಸಮಾಜದಲ್ಲಿ ಹೊಸ ಬದಲಾವಣೆ ತರುವ ನಿಟ್ಟಿನಲ್ಲಿ ಅಭಿಮಾನಿ ಬಳಗ ಕಾರ್ಯ ಮಾಡಬೇಕು. ಬಡವರ ಪರ ಕೆಲಸಗಳನ್ನು ಈ ಬಳಗದಿಂದ ಕೈಗೊಳ್ಳಬೇಕು. ಅಂದಾಗ ಮಾತ್ರ ಸಂಘಟನೆಗೆ ಅರ್ಥ ಬರಲಿದೆ. ಪ್ರತಿ ವರ್ಷ ಕ್ರೀಡೆ, ಸಾಂಸ್ಕೃತಿಕ ಸೇರಿದಂತೆ ವಿವಿಧ ಕಾರ್ಯಕ್ರಮಗಳು ಹಾಗೂ ಜನರ ಸಮಸ್ಯೆಗಳಿಗೆ ಸ್ಪಂದಿಸುವ ಕೆಲಸ ಆಗಬೇಕು ಎಂದರು.
ರಾಹುಲ್‌ ಅಭಿಮಾನಿಗಳ ಬಳಗಕ್ಕೆ ಸದಾ ನಮ್ಮ ಬೆಂಬಲ ಇರಲಿದೆ. ಬಡವರ ಪರ ಕೆಲಸ ಮಾಡುವುದರ ಜೊತೆಗೆ ಸಂಘಟನೆಯನ್ನು ಮತ್ತಷ್ಟು ಬಲಗೊಳಿಸಬೇಕು. ಜನರ ಏನೇ ಸಮಸ್ಯೆಗಳಿದ್ದರೂ ನಮ್ಮ ಗಮನಕ್ಕೆ ತರುವಂಥ ಕೆಲಸ ಮಾಡಬೇಕು. ಬಡವರ ಸೇವೆಗೆ ನಾವು ಬದ್ಧ ಎಂದರು.
ಮುಖಂಡರಾದ ಪರಶುರಾಮ್‌ ಢಗೆ, ಪಾಂಡು ಗಿಡ್ಡನ್ನವರ, ಕಲ್ಲಪ್ಪ ಕಡೋಲ್ಕರ, ಆಕಾಶ ಮೇತ್ರಿ, ಕುಶಪ್ಪ ನಾಯ್ಕ, ಭರಮಣ್ಣ ತಳವಾರ, ರಮೇಶ ತಳವಾರ, ವಿಜಯ ತಳವಾರ, ಮಾರುತಿ ಗುಟಗುದ್ದಿ ಇತರರು ಇದ್ದರು.
