Live; 53 ಕ್ಷೇತ್ರಗಳಿಗೆ ನಡೆದ ಉಪಚುನಾವಣೆಯ ಮತ ಎಣಿಕೆ ಆರಂಭ: ಎಲ್ಲಿ, ಯಾರಿಗೆ ಗದ್ದುಗೆ ?

ಲಕ್ನೋ/ಕೊಚ್ಚಿ: 17 ರಾಜ್ಯಗಳಲ್ಲಿರುವ 51 ವಿಧಾನಸಭಾ ಸ್ಥಾನಗಳಿಗೆ, ಎರಡು ಲೋಕಸಭಾ ಕ್ಷೇತ್ರಗಳಿಗೆ ಮತ್ತು ಒಂದು ಕೇಂದ್ರಾಡಳಿತ ಪ್ರದೇಶಗಳಿಗೆ ನಡೆದ ಉಪಚುನಾವಣೆಯ ಮತ ಎಣಿಕೆ ಕಾರ್ಯ ಭರದಿಂದ ನಡೆಯುತ್ತಿದೆ.

ಉಪಚುನಾವಣೆ ಬಿಜೆಪಿ, ಕಾಂಗ್ರೆಸ್ ಸೇರಿದಂತೆ ಇತರ ಪಕ್ಷಗಳಿಗೆ ಪ್ರತಿಕ್ಷೆಯ ಕಣವಾಗಿದೆ . ಬಿಜೆಪಿ ಮತ್ತು ಅದರ ಮಿತ್ರ ಪಕ್ಷಗಳಿರುವ ರಾಜ್ಯದಲ್ಲಿ, ಉತ್ತರಪ್ರದೇಶದಲ್ಲಿ ಅತೀ ಹೆಚ್ಚು ಸ್ಥಾನಗಳಿಗೆ ಅಂದರೆ 11 ಸ್ಥಾನಗಳಿಗೆ ಮತಎಣಿಕೆ ನಡೆಯುತ್ತಿದೆ. ಗುಜರಾತ್ ನಲ್ಲಿ 6 ಕ್ಷೇತ್ರ, ಬಿಹಾರ್ ದಲ್ಲಿ 5 ಕ್ಷೇತ್ರ, ಅಸ್ಸಾಂ ನಲ್ಲಿ 4 ಕ್ಷೇತ್ರ, ಹಿಮಾಚಲ ಪ್ರದೇಶ ಮತ್ತು ತಮಿಳುನಾಡಿನಲ್ಲಿ ತಲಾ  ಎರಡು ಕ್ಷೇತ್ರಗಳ ಮತ ಎಣಿಕೆ ನಡೆಯುತ್ತಿದೆ.

ಉಪಚುನಾವಣೆ ಮತ ಎಣಿಕೆ ನಡೆಯುತ್ತಿರುವ ಇತರ ರಾಜ್ಯಗಳೆಂದರೆ ಪಂಜಾಬ್ (4 ಕ್ಷೇತ್ರ) , ಕೇರಳ (5 ಕ್ಷೇತ್ರ), ಸಿಕ್ಕಿಂ (3 ಕ್ಷೇತ್ರ), ರಾಜಸ್ಥಾನ (2 ಕ್ಷೇತ್ರ) ಮತ್ತು ಅರುಣಾಚಲ್ ಪ್ರದೇಶ, ಮಧ್ಯಪ್ರದೇಶ,ಒಡಿಶಾ, ಛತ್ತಿಸ್ ಗಡ, ಪುದುಚೇರಿ, ಮೇಘಾಲಯ, ತೆಲಂಗಾಣ.

ಲೋಕಸಭಾ ಕ್ಷೇತ್ರವಾದ ಸತಾರ (ಉತ್ತರಪ್ರದೇಶ) ಮತ್ತು ಸಮಾಸ್ತಿಪುರ್ (ಬಿಹಾರ್ ) ನಲ್ಲೂ ಮತ ಎಣಿಕೆ ನಡೆಯುತ್ತಿದೆ.ಇವೆರಡನ್ನೂ ಕೂಡ ಎನ್ ಸಿ ಪಿ ಮತ್ತು ಎಲ್ ಜೆ ಪಿ ಪಕ್ಷಗಳು ಕ್ರಮವಾಗಿ ಪ್ರತಿನಿಧಿಸುತ್ತಿದ್ದವು.