ನವದೆಹಲಿ: ದೇಶದಲ್ಲಿ ಆನ್‌ಲೈನ್‌ ಶಾಪಿಂಗ್‌ ಹೆಚ್ಚುತ್ತಿರುವ ಪರಿಣಾಮ 2 ಲಕ್ಷಕ್ಕೂ ಅಧಿಕ ಕಿರಾಣಿ ಅಂಗಡಿಗಳು ಬಾಗಿಲು ಮುಚ್ಚಿವೆ ಎಂದು ಎಫ್ಎಂಸಿಜಿ ವಿತರಕರ ಸಂಸ್ಥೆ ಅಖೀಲ ಭಾರತ ಗ್ರಾಹಕ ಉತ್ಪನ್ನಗಳ ವಿತರಕರ ಮಂಡಳಿ ವರದಿ ಮಾಡಿದೆ.
ವೇಗವಾಗಿ ಬೆಳೆಯುತ್ತಿರುವ ಇ-ಕಾಮರ್ಸ್‌ ವಲಯ ಮಹಾನಗರಗಳಲ್ಲಿ ಅತಿ ಹೆಚ್ಚು ಪರಿಣಾಮ ಬೀರಿದ್ದು ಚಿಲ್ಲರೆ ಅಂಗಡಿಗಳು ಬಾಗಿಲು ಮುಚ್ಚುವಂತಾಗಿದೆ.
ಟೈರ್‌-1 ನಗರಗಳಲ್ಲಿ ಶೇ.30, ಟೈರ್‌- 2,3 ನಗರಗಳಲ್ಲಿ ಶೇ.25 ಅಂಗಡಿಗಳು ಬಾಗಿಲು ಮುಚ್ಚುವಂತಾಗಿದೆ. ಇ-ಕಾಮರ್ಸ್‌ ಕಂಪನಿಗಳ 10 ನಿಮಿಷಗಳ ಡೋರ್‌ ಡೆಲಿವರಿ ಯೋಜನೆ ಮತ್ತು ಭಾರೀ ಡಿಸ್ಕೌಂಟ್‌ಗಳು ಕಿರಾಣಿ ಅಂಗಡಿಗಳ ಪಾಲಿಗೆ ಭಾರೀ ಸಂಕಷ್ಟ ತಂದೊಡ್ಡಿದೆ. ದೇಶದಲ್ಲಿ 1.3 ಕೋಟಿ ಕಿರಾಣಿ ಅಂಗಡಿಗಳಿವೆ ಎಂದು ಅಂದಾಜಿಸಲಾಗಿದ್ದು ಎಫ್ಎಂಸಿಜಿ ಉತ್ಪನ್ನಗಳಿಗೆ ಇವೇ ಬೆನ್ನೆಲುಬಾಗಿ ನಿಂತಿವೆ. ಆದರೆ ಬ್ಲಿಂಕಿಟ್‌, ಝೆಪ್ಟೋ, ಸ್ವಿಗ್ಗಿ ಇನ್ಸಟಾಮಾರ್ಟ್‌ ಇತ್ಯಾದಿ ಇ-ಕಾಮರ್ಸ್‌ ಕಂಪನಿಗಳು ವೇಗವಾಗಿ ಬೆಳವಣಿಗೆ ಹೊಂದುತ್ತಿರುವುವುದು ಕಿರಾಣಿ ಅಂಗಡಿಗಳ ಪಾಲಿಗೆ ಆಂತಕಕಾರಿಯಾಗಿದೆ ಎಂದು ಕೋವಿಡ್-19 ಬಳಿಕ ನಡೆಸಿ ಮೊದಲ ಈ ವರದಿಯಲ್ಲಿ ಹೇಳಲಾಗಿದೆ.
ಇದನ್ನೂ ಓದಿ: Gadaga: ಐತಿಹಾಸಿಕ ವೀರನಾರಾಯಣ ದೇವಸ್ಥಾನ ಪುನರುತ್ಥಾನ ಕಾರ್ಯಕ್ಕೆ ಚಾಲನೆ
