ಪೇಟಿಯಂ ಮೂಲಕ ಹಣ ಬಂದಿದೆ ಎಂದು ವಂಚನೆ

ಬೆಂಗಳೂರು: “ನನ್ನ ತಪ್ಪಿನಿಂದಾಗಿ ಸಾವಿರಾರು ರೂ. ತಮ್ಮ ಖಾತೆಗೆ ಜಮೆಯಾಗಿದ್ದು, ದಯವಿಟ್ಟು ವಾಪಸ್‌ ಕಳುಹಿಸಿ’ ಎಂದು ಕರೆ ಮಾಡಿದ ಸೈಬರ್‌ ವಂಚಕ, ನಗರದ ವ್ಯಕ್ತಿಯೊಬ್ಬರ ಖಾತೆಯಿಂದ 28 ಸಾವಿರ ರೂ. ದೋಚಿದ್ದಾನೆ.

ಈ ಸಂಬಂಧ ಹಣ ಕಳೆದುಕೊಂಡ ಮಾರುತಿನಗರದ ಎನ್‌.ಎಲ್‌.ರಾಹುಲ್‌ ಎಂಬುವವರು ದಕ್ಷಿಣ ವಿಭಾಗದ ಸೆನ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಕೆಲದಿನಗಳ ಹಿಂದೆ ಅನಿಲ್‌ ಕುಮಾರ್‌ ಎಂಬಾತ ರಾಹುಲ್‌ ಗೆ ಕರೆ ಮಾಡಿ, “ನನ್ನ ತಪ್ಪಿನಿಂದಾಗಿ ನಿಮ್ಮ ಖಾತೆಗೆ ಹಂತ-ಹಂತವಾಗಿ ಪೇಟಿಯಂ ಮೂಲಕ 26,400 ರೂ. ಜಮೆಯಾಗಿದೆ’ ಎಂದು ನಂಬಿಸಿದ್ದಾನೆ.

ಅಲ್ಲದೆ, ಪೇಟಿಯಂ ಖಾತೆಗೆ ಹಣ ಬಂದಿದೆ ಎಂದು ಸಂದೇಶ ಕಳುಹಿಸಿದ್ದಾನೆ. ಅದನ್ನು ನಂಬಿದ ರಾಹುಲ್‌, ಆರೋಪಿ ಕಳುಹಿಸಿದ ಲಿಂಕ್‌ನ ಪೇ ಬಟನ್‌ ಅನ್ನು ಕ್ಲೀಕ್‌ ಮಾಡುತ್ತಿದ್ದಂತೆಹಂತ-ಹಂತವಾಗಿ 28,258 ರೂ. ಕಡಿತಗೊಂಡಿದೆ. ಅದರಿಂದ ಆತಂಕಗೊಂಡರಾಹುಲ್‌, ಆರೋಪಿಗೆ ಕರೆ ಮಾಡಿದಾಗ ಸ್ವೀಚ್ಡ್ ಆಫ್ ಆಗಿದೆ ಎಂದು ದೂರಿನಲ್ಲಿ ಉಲ್ಲೇಖೀಸಲಾಗಿದೆ. ತನಿಖೆ ಮುಂದುವರಿದಿದೆ.