One Nation, One Election: ಸಂಸದರಿಗೆ ಜೆಪಿಸಿ ಸಭೆಯಲ್ಲಿ 52 ಕೆ.ಜಿ. ತೂಕದ ಸೂಟ್‌ಕೇಸ್‌!

ಹೊಸದಿಲ್ಲಿ: ಒಂದು ದೇಶ-ಒಂದು ಚುನಾವಣೆ ಮಸೂದೆಗೆ ಸಂಬಂಧಿಸಿದಂತೆ ಜಂಟಿ ಸಂಸದೀಯ ಸಮಿತಿಯ ಮೊದಲ ಸಭೆ ಬುಧವಾರ ನಡೆದಿತ್ತು. ಸಭೆಗೆ ಹಾಜರಾಗಿದ್ದ ಸಂಸದರೆಲ್ಲರೂ ಹೊರ ಬರುವಾಗ 52 ಕೆ.ಜಿ. ತೂಕದ ನೀಲಿ ಸೂಟ್‌ಕೇಸ್‌ಗಳ ಸಹಿತ ಹೊರಬಂದದ್ದು ಎಲ್ಲರ ಗಮನ ಸೆಳೆದಿದೆ. ಏಕ ಚುನಾವಣೆಗೆ ಕುರಿತು ಮಾಜಿ ರಾಷ್ಟ್ರಪತಿ ರಾಮನಾಥ ಕೋವಿಂದ್‌ ನೇತೃತ್ವದ ಸಮಿತಿ ನೀಡಿದ ವರದಿ, ಅದರ ಇಂಗ್ಲಿಷ್‌, ಹಿಂದಿ ಅವತರಣಿಕೆ, ಕೋರ್ಟ್‌ ನೀಡಿದ ತೀರ್ಪುಗಳು, ಕಾನೂನು ಮಾಹಿತಿ ಸೇರಿ 18,000 ಪುಟಗಳ ದಾಖಲೆ ಸೂಟ್‌ಕೇಸ್‌ನಲ್ಲಿಟ್ಟು, ಸಂಸದರಿಗೆ ಅಧ್ಯಯನಕ್ಕಾಗಿ ನೀಡಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.