ನೀಟ್‌ ಫೇಲ್‌ : ತಮಿಳು ನಾಡಿನ ಇನ್ನೊಬ್ಬ ಹುಡುಗಿ ನೇಣಿಗೆ ಶರಣು; ಸಾವಿನ ಸಂಖ್ಯೆ 3

ವಿಳ್ಳುಪುರಂ : ನೀಟ್‌ ಪರೀಕ್ಷೆಯಲ್ಲಿ ಫೇಲಾದ ಕಾರಣಕ್ಕೆ ಮನನೊಂದ ತಮಿಳು ನಾಡಿನ ಮತ್ತೋರ್ವ 18ರ ಹರೆಯದ ಹುಡಗಿ ತನ್ನ ಮನೆಯಲ್ಲಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವರದಿಗಳು ತಿಳಿಸಿವೆ.

ಎರಡು ದಿನಗಳ ಹಿಂದಷ್ಟೇ ಇದೇ ಕಾರಣಕ್ಕೆ ರಾಜ್ಯದ ಇಬ್ಬರು ವಿದ್ಯಾರ್ಥಿನಿಯರು ಆತ್ಮಹತ್ಯೆ ಮಾಡಿಕೊಂಡಿದ್ದರು. ಇದೀಗ ಈ ಹೊಸ ಪ್ರಕರಣದೊಂದಿಗೆ ನೀಟ್‌ ವೈಫ‌ಲ್ಯಕ್ಕಾಗಿ ತ.ನಾಡಿನಲ್ಲಿ ಆತ್ಮಹತ್ಯೆ ಮಾಡಿಕೊಂಡವರ ಸಂಖ್ಯೆ 3ಕ್ಕೇರಿದೆ.

ನಿರಂತರ ಎರಡನೇ ಬಾರಿಯೂ ತನಗೆ ನೀಟ್‌ ಪರೀಕ್ಷೆ ಪಾಸು ಮಾಡಿಕೊಳ್ಳಲು ಸಾಧ್ಯವಾಗಿಲ್ಲ ಎಂಬ ನೋವಿನಲ್ಲಿ ಎಂ ಮೊನೀಷಾ ಎಂಬಾಕೆ ತನ್ನ ಮನೆಯಲ್ಲಿ ನೇಣಿಗೆ ಶರಳಾದಳು.