29, 30ಕ್ಕೆ ವಿಧಾನಸಭೆಯಲ್ಲಿ ಒಂದು ರಾಷ್ಟ್ರ, ಒಂದು ಚುನಾವಣೆ ಚರ್ಚೆ

ವಿಧಾನಸಭೆ : ಕಳೆದೊಂದು ವರ್ಷದಿಂದ ಚರ್ಚೆಗೆ ಮುಹೂರ್ತ ಸಿಗದೇ ಇರುವ ” ಒಂದು ರಾಷ್ಟ್ರ, ಒಂದು ಚುನಾವಣೆ” ಚರ್ಚೆ ಮಾ.29 ಹಾಗೂ 30 ರಂದು ಚರ್ಚೆ ನಡೆಯಲಿದೆ.

ಆದರೆ ಈ ಬಾರಿ ಈ ವಿಚಾರ ಬೇರೆ ಸ್ವರೂಪದಲ್ಲಿ ಚರ್ಚೆಗೆ ಬರಲಿದೆ. ” ಚುನಾವಣಾ ಸುಧಾರಣಾ ಕ್ರಮ” ಎಂಬ ಹೆಸರಿನಲ್ಲಿ ಸದನದಲ್ಲಿ ಚರ್ಚೆಯಾಗಲಿದೆ.

ಒಂದು ರಾಷ್ಟ್ರ ಒಂದು ಚುನಾವಣೆಗೆ ಕಾಂಗ್ರೆಸ್ ಮೊದಲಿನಿಂದಲೂ ವಿರೋಧ ವ್ಯಕ್ತಪಡಿಸುತ್ತಿದೆ. ಸ್ಪೀಕರ್ ಅವರನ್ನು ಖುದ್ದಾಗಿ ಭೇಟಿ ಮಾಡಿರುವ ಕಾಂಗ್ರೆಸ್ ಶಾಸಕರು, ಒಂದು ರಾಷ್ಟ್ರ ಒಂದು ಚುನಾವಣೆಯ ಬಗ್ಗೆ ಚರ್ಚೆ ಆಯೋಜಿಸಿದರೆ ನಾವ್ಯಾರು ಭಾಗವಹಿಸುವುದಿಲ್ಲ. ಆ ಅವಧಿಯಲ್ಲಿ ಕಲಾಪವನ್ನು ಬಾಯ್ಕಾಟ್ ಮಾಡುತ್ತೇವೆ ಎಂದು ಪ್ರತಿರೋಧ ವ್ಯಕ್ತಪಡಿಸಿದ್ದಾರೆ.

ಹೀಗಾಗಿ ಚರ್ಚೆಯ ಶೀರ್ಷಿಕೆಯನ್ನು ಚುನಾವಣಾ ಸುಧರಣಾ ಕ್ರಮ ಎಂದು ಬದಲಾಯಿಸಲಾಗಿದೆ ಎಂದು ತಿಳಿದು ಬಂದಿದೆ.