ಡಾರ್ಜಿಲಿಂಗ್‌ ಅನಿರ್ದಿಷ್ಟಾವಧಿ ಬಂದ್‌ 31ನೇ ದಿನಕ್ಕೆ: ಹಿಂಸೆ ಇಲ್ಲ

ಡಾರ್ಜಿಲಿಂಗ್‌ : ಪ್ರತ್ಯೇಕ ಗೋರ್ಖಾಲ್ಯಾಂಡ್‌ ರಾಜ್ಯ ರಚನೆಯನ್ನು ಆಗ್ರಹಿಸಿ ನಡೆಯುತ್ತಿರುವ ಅನಿರ್ದಿಷ್ಟಾವಧಿ ಬಂದ್‌ ಚಳವಳಿ ಇಂದು ಶನಿವಾರ 31ನೇ ದಿನವನ್ನು ತಲುಪಿದೆ. ಡಾರ್ಜಿಲಿಂಗ್‌ನಲ್ಲಿ ಇಂದು ಉದ್ವಿಗ್ನತೆ ಕಂಡು ಬಂದಿತ್ತಾದರೂ ಹಿಂಸೆ ನಡೆದ ವರದಿಗಳು ಬಂದಿಲ್ಲ.

ಭದ್ರತಾ ಪಡೆಗಳು ಡಾರ್ಜಿಲಿಂಗ್‌ ಪರ್ವತ ಪ್ರಾಂತ್ಯದಲ್ಲಿ ಕಟ್ಟೆಚ್ಚರ ವಹಿಸಿದ್ದ ಕಾರಣ ಎಲ್ಲೂ ಅಹಿತಕರ ಘಟನೆ ನಡೆದಿಲ್ಲ. ಆಂದೋಲನದ ನೇತೃತ್ವ ವಹಿಸಿರುವ ಗೋರ್ಖಾ ಜನಮುಕ್ತಿ ಮೋರ್ಚಾ ಇಂದು ವಿವಿಧ ಸ್ಥಳಗಳಲ್ಲಿ ರಾಲಿಯನ್ನು ಏರ್ಪಡಿಸಿದೆ. 

ಪೊಲೀಸರು ಹಾಗೂ ಭದ್ರತಾ ಪಡೆಗಳು ಡಾರ್ಜಿಲಿಂಗ್‌ ಪ್ರವೇಶ ಹಾಗೂ ನಿರ್ಗಮನ ಮಾರ್ಗಗಳಲ್ಲಿ ಕಟ್ಟೆಚ್ಚರ ವಹಿಸಿವೆ. ಕಳೆದ ಜೂನ್‌ 18ರಿಂದ ನಿಷೇಧಿಸಲಾಗಿರುವ ಜಿಲ್ಲೆಯಲ್ಲಿನ ಇಂಟರ್‌ನೆಟ್‌ ಸೇವೆಯನ್ನು ಜಿಲ್ಲಾಡಳಿತವು ಜುಲೈ 25ರ ತನಕವೂ ವಿಸ್ತರಿಸಿದೆ.