ಒಲಿಂಪಿಕ್ಸ್‌ ಟೆಸ್ಟ್‌ : ದೀಪಿಕಾಗೆ ಬೆಳ್ಳಿ

ಟೋಕಿಯೊ: ಭಾರತೀಯ ಅಗ್ರ ಶ್ರೇಯಾಂಕಿತ ಬಿಲ್ಲುಗಾರ್ತಿ ದೀಪಿಕಾ ಕುಮಾರಿ “ಟೋಕಿಯೊ ಒಲಿಂಪಿಕ್‌ ಗೇಮ್ಸ್‌ ಟೆಸ್ಟ್‌’ ಕೂಟದಲ್ಲಿ ಬೆಳ್ಳಿ ಪದಕ ಜಯಿಸಿದ್ದಾರೆ. ಅವರನ್ನು ಕೊರಿಯಾದ 18ರ ಹರೆಯದ ಆರ್ಚರ್‌ ಅನ್‌ ಸ್ಯಾನ್‌ 6-0 ಅಂಕಗಳಿಂದ ಮಣಿಸಿದರು.

ಅರ್ಹತಾ ಸುತ್ತಿನಲ್ಲಿ 4ನೇ ರ್‍ಯಾಂಕಿಂಗ್‌ ಹೊಂದಿದ್ದ ದೀಪಿಕಾ ಕುಮಾರಿ, ದ್ವಿತೀಯ ಶ್ರೇಯಾಂಕಿತೆ ಸ್ಯಾನ್‌ ವಿರುದ್ಧ ಸಂಪೂರ್ಣವಾಗಿ ಗುರಿ ತಪ್ಪಿದರು.

“ನಾನು ಉತ್ತಮವಾಗಿ ಆಡಿದ್ದೇನೆ ಆದರೆ ಆರಂಭದ ಕೆಲ ತಪ್ಪಿನಿಂದ ಚಿನ್ನ ಗೆಲ್ಲುವ ಅವಕಾಶವನ್ನು ಕಳೆದುಕೊಂಡೆ. ಇಲ್ಲಿ ನಾನು ನೀಡಿದ ಪ್ರದರ್ಶನದ ಬಗ್ಗೆ ನನಗೆ ಸಂತಸವಿದೆ. ಮುಂದಿನ ದಿನದಲ್ಲಿ ಇನಷ್ಟು ಕಠಿನ ತರಬೇತಿ ಪಡೆದು ಚಿನ್ನ ಗೆಲ್ಲುವತ್ತ ಮುನ್ನಡೆಯಲಿದ್ದೇನೆ’ ಎಂದು ದೀಪಿಕಾ ಹೇಳಿದರು..