Sandalwood: ಸುಂದರ ರಾಕ್ಷಸಿ ಇವಳು!

ಪ್ಯಾನ್‌ ಇಂಡಿಯಾ ಕಾನ್ಸೆಪ್ಟ್ ಕ್ರೇಜ್‌ ಹೆಚ್ಚಾದ ಮೇಲೆ ಕನ್ನಡ ಸಿನಿಮಾಗಳು ಬೇರೆ ಭಾಷೆಗೆ ಹೋಗುವುದು, ಬೇರೆ ಭಾಷೆಯ ಸಿನಿಮಾಗಳು ಡಬ್‌ ಆಗಿ ಕನ್ನಡಕ್ಕೆ ಬರುವುದು ನಿರಂತರವಾಗಿ ನಡೆಯುತ್ತಿದೆ.  ಈ ಸಾಲಿಗೆ ಹೊಸ ಸೇರ್ಪಡೆ ಓ ಅಂದಾಲಾ ರಾಕ್ಷಸಿ. ತೆಲುಗಿನಲ್ಲಿ ತಯಾರಾಗಿರುವ ಈ ಚಿತ್ರ ಈಗ ಕನ್ನಡದಲ್ಲೂ ತೆರೆಕಾಣಲು ಸಿದ್ಧತೆ ನಡೆಸಿದೆ.

ಈ ಚಿತ್ರಕ್ಕೆ ಕನ್ನಡದಲ್ಲಿ “ಓ ಸುಂದರ ರಾಕ್ಷಸಿ’ ಎಂದು ಟೈಟಲ್‌ ಇಡಲಾಗಿದೆ. ಈ ಹಿಂದೆ ಶಾಲಿನಿ ಎ ಕ್ಯೂಟ್‌ ಡೆವಿಲ್ ಮತ್ತು ಕೆಎಸ್‌ 100 ಸಿನಿಮಾ ನಿರ್ದೇಶನ ಮಾಡಿದ್ದ ಶೆರಝ್ ಮೆಹಿª ಇದೀಗ ಓ ಅಂದಾಲಾ ರಾಕ್ಷಸಿ ಚಿತ್ರವನ್ನು ನಿರ್ದೇಶಿಸಿದ್ದಾರೆ.

ಜತೆಗೆ ಸಸ್ಪೆನ್ಸ್‌ ಥ್ರಿಲ್ಲರ್‌ ಮತ್ತು ಅಡ್ವೆಂಚರ್‌ ಶೈಲಿಯ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿಯೂ ಶೆರಝ್ ಮೆಹ್ತಿ ನಟಿಸಿದ್ದಾರೆ. ವಿಹಾಂಶಿ ಹೆಗೆಡೆ, ಶೆರಝ್ ಮೆಹ್ತಿ, ಕೃತಿ ವರ್ಮಾ, ನೇಹಾ ದೇಶಪಾಂಡೆ ಸುಮನ್‌ ತಲ್ವಾರ್‌, ತಮ್ಮಾ ರೆಡ್ಡಿ ಪಾತ್ರವರ್ಗದಲ್ಲಿದ್ದಾರೆ.