Advertisement
ಬಿಜೆಪಿಯಿಂದ 30 ಕೋಟಿ ಆಫರ್
Related Articles
Advertisement
ರಾಯಚೂರು: ಮಾಜಿ ಮುಖ್ಯಮಂತ್ರಿಯಾಗಿ ಸಿದ್ದರಾಮಯ್ಯ ಅವರು ಬೇಜವಾಬ್ದಾರಿಯಿಂದ ಹೇಳಿಕೆ ನೀಡಬಾರದು. ಬಿಜೆಪಿಯಿಂದ 40-50 ಕೋಟಿ ರೂ.ಆಫರ್ ನೀಡಿದ್ದಾರೆ ಎನ್ನುವುದಕ್ಕೆ ದಾಖಲೆ ಇದ್ದರೆ ಬಿಡುಗಡೆ ಮಾಡಲಿ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ ಸವಾಲು ಹಾಕಿದ್ದಾರೆ.
ದೇವದುರ್ಗ ತಾಲೂಕಿನ ಅರಕೇರಾದಲ್ಲಿ ಗುರುವಾರ ಸಂಜೆ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಸಿದ್ದರಾಮಯ್ಯ ಅವರು ಬೇಜವಾಬ್ದಾರಿಯಿಂದ ಹೇಳಿಕೆ ನೀಡಬಾರದು. ಬಿಜೆಪಿಯಿಂದ 40-50 ಕೋಟಿ ರೂ.ಆಫರ್ ನೀಡಿದ್ದಾರೆ ಎನ್ನುವುದಕ್ಕೆ ದಾಖಲೆ ಇದ್ದರೆ ಬಿಡುಗಡೆ ಮಾಡಲಿ. ಅದು ಬಿಟ್ಟು ಶಾಸಕರಿಗೆ ಅವಮಾನ ಮಾಡುವ ರೀತಿಯಲ್ಲಿ ಮಾತನಾಡ ಬಾರದು. ಹಾಗಾದರೆ, ಅವರ ಶಾಸಕರು ಹರಾಜಿಗಿದ್ದಾರೆಯೇ ಎಂದು ಪ್ರಶ್ನಿಸಿದರು. ಅವರಿಗೆ ಕೋಟಿಗಳಿಗೆ ಬೆಲೆ ಇಲ್ಲದಿರಬ ಹುದು. ಆದರೆ, ನಮಗೆ ಕೋಟಿ ನೋಡಿ ಗೊತ್ತಿಲ್ಲ ಎಂದರು. ಕಾಂಗ್ರೆಸ್‌ ಶಾಸಕರು ಬೆಂಗಳೂರು ಬಿಟ್ಟು ಓಡಾಡುತ್ತಿರುವುದಕ್ಕೂ, ಬಿಜೆಪಿಗೂ ಯಾವುದೇ ಸಂಬಂಧವಿಲ್ಲ ಎಂದರು.
ಶಿವರಾಯ ದೇವಸ್ಥಾನದಲ್ಲಿ ವಿಶೇಷ ಪೂಜೆ
ಯಡಿಯೂರಪ್ಪ ಜಿಲ್ಲೆಯ ಅರಕೇರಾಗೆ ಭೇಟಿ ನೀಡಿರುವುದು ಕುತೂಹಲ ಮೂಡಿಸಿದೆ. ಗುರುವಾರ ಸಂಜೆ ಶಾಸಕ ಕೆ.ಶಿವನಗೌಡ ನಾಯಕರ ಮನೆಯಲ್ಲಿ ಕೆಲ ಕಾಲ ಚರ್ಚೆ ನಡೆಸಿದರು. ಅಲ್ಲಿಂದ ನೇರವಾಗಿ ಮುಂಡರಗಿ ಶಿವರಾಯ ದೇವಸ್ಥಾನಕ್ಕೆ ತೆರಳಿ ವಿಶೇಷ ಪೂಜೆ ಸಲ್ಲಿಸಿದರು. ಬೆಟ್ಟದ ಕೆಳಗಿರುವ ಅರ್ಚಕ ಶಿವಣ್ಣ ತಾತನವರ ಮನೆಯಲ್ಲಿ ಕೆಲ ಕಾಲ ಮಾತುಕತೆ ನಡೆಸಿದರು. ರಾತ್ರಿ 8:30ಕ್ಕೆ ಅಲ್ಲಿಂದ 1.96 ಗಣ ಇಷ್ಟಲಿಂಗ ಪೂಜೆ ನಡೆಯುವ ದೇವದುರ್ಗ ತಾಲೂಕಿನ ವೀರಘೋಟ ಕ್ಷೇತ್ರಕ್ಕೆ ತೆರಳಿದರು.