ಸಾವಿಗೆ ಕಾರಣನಾದರೂ ಯುವಕನಿಗೆ ಜೈಲು ಶಿಕ್ಷೆ ಇಲ್ಲ

ಹೊಸದಿಲ್ಲಿ: 2016ರಲ್ಲಿ ಮರ್ಸಿಡಿಸ್‌ ಹತ್ತಿಸಿ ಒಬ್ಬ ವ್ಯಕ್ತಿಯ ಹತ್ಯೆಗೆ ಕಾರಣನಾದ ಯುವಕನಿಗೆ ಒಂದು ದಿನವೂ ಸೆರೆವಾಸ ವಿಧಿಸಲಾಗುವುದಿಲ್ಲ ಎಂದು ಸುಪ್ರೀಂ ಕೋರ್ಟ್‌ ಗುರುವಾರ ದೃಢಪಡಿಸಿದೆ.

ಯುವಕ ತನ್ನ ಅಪ್ಪನ ಕಾರನ್ನು ಚಲಾಯಿಸಿ ಅಪಘಾತ ಎಸಗಿದ್ದ. ಆಗ ಆತನಿಗೆ 18 ವರ್ಷ ತುಂಬಲು 4 ದಿನವಷ್ಟೇ ಬಾಕಿ ಇತ್ತು. ಆತನಿಗೆ 18 ವರ್ಷ ತುಂಬಿರದ ಕಾರಣ, ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ ಅಪರಾಧದ ಮೇರೆಗೆ ಆತನಿಂದ ಮೂರು ಬಾರಿ ದಂಡ ಕಟ್ಟಿಸಿಕೊಳ್ಳಲಾಗಿದೆ ಎಂದು ಕೋರ್ಟ್‌ ಹೇಳಿದೆ. ಈ ಮೊಕದ್ದಮೆ ಬಾಲಾಪರಾಧ ಕಾಯ್ದೆ ಅಡಿ ಅಮಾನುಷ ಅಪರಾಧ ಎಂದು ಕರೆಸಿಕೊಳ್ಳುವುದಿಲ್ಲ ಎಂದೂ ನ್ಯಾ. ದೀಪಕ್‌ ಗುಪ್ತಾ ತಿಳಿಸಿದ್ದಾರೆ.