Russia ಗುಪ್ತಚರ ಖ್ಯಾತಿಯ “ವಾಲ್ಡಿಮಿರ್‌’ ತಿಮಿಂಗಿಲ ಸಾವು

ಓಸ್ಲೋ: ರಷ್ಯಾದ ಗುಪ್ತಚರನೆಂದೇ ಪ್ರಖ್ಯಾತವಾಗಿದ್ದ “ವಾಲ್ಡಿಮಿರ್‌’ ಹೆಸರಿನ ಬೆಲುಗ ತಿಮಿಂಗಿಲ ನಾರ್ವೆ ಕರಾವಳಿಯಲ್ಲಿ ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿದೆ. 2019ರಲ್ಲಿ ಈ ಪ್ರದೇಶದಲ್ಲಿ ಈ ಬಿಳಿ ತಿಮಿಂಗಿಲ ಮೊದಲ ಬಾರಿಗೆ ಕಂಡುಬಂದಿದ್ದು, ಇದಕ್ಕೆ “ವಾಲ್ಡಿ ಮಿರ್‌’ ಎಂದು ಹೆಸರಿಡಲಾಗಿತ್ತು. ರಷ್ಯಾದಲ್ಲಿ ತಯಾ­ರಿಸಲಾಗಿದ್ದ ಬೆಲ್ಟನ್ನು ಈ ತಿಮಿಂಗಿಲ ಧರಿಸಿದ್ದ ಕಾರಣ ಇದು ರಷ್ಯಾದ ಕಣ್ಗಾವಲು ಗುಪ್ತಚರನಾಗಿ ಇದು ಕಾರ್ಯನಿರ್ವಹಿಸುತ್ತಿದೆ ಎಂಬ ಶಂಕೆ ವ್ಯಕ್ತವಾಗಿತ್ತು.