Hockey ಪ್ರಾಯೋಜಕತ್ವ ವಿಸ್ತರಿಸಿದ ಒಡಿಶಾ

ಭುವನೇಶ್ವರ: ಒಡಿಶಾದಲ್ಲಿ ನೂತನವಾಗಿ ಅಧಿಕಾರಕ್ಕೆ ಬಂದ ಬಿಜೆಪಿ ಸರಕಾರ ಹಾಕಿ ಇಂಡಿಯಾದ ಪ್ರಾಯೋಜ ಕತ್ವವನ್ನು 2036ರ ತನಕ ವಿಸ್ತರಿಸಿದೆ.

ಹಾಕಿ ಇಂಡಿಯಾ ಅಧ್ಯಕ್ಷ ದಿಲೀಪ್‌ ಟಿರ್ಕಿ, ಕಾರ್ಯದರ್ಶಿ ಭೋಲಾನಾಥ್‌ ಅವರು ಮುಖ್ಯಮಂತ್ರಿ ಮೋಹನ್‌ ಚರಣ್‌ ಮಾಝಿ ಹಾಗೂ ಕ್ರೀಡಾ ಸಚಿವ ಸೂರ್ಯವಂಶಿ ಸೂರಜ್‌ ಜತೆ ನಡೆಸಿದ ಉನ್ನತ ಮಟ್ಟದ ಸಭೆಯಲ್ಲಿ ಈ ನಿರ್ಧಾರಕ್ಕೆ ಬರಲಾಯಿತು.

“ಭಾರತೀಯ ಹಾಕಿಗೆ ಅಪಾರ ಪ್ರೋತ್ಸಾಹ ಹಾಗೂ ಬೆಂಬಲ ನೀಡುತ್ತಿರುವ ಒಡಿಶಾ ಸರಕಾರಕ್ಕೆ ನಮ್ಮ ಕೃತಜ್ಞತೆಗಳು’ ಎಂಬುದಾಗಿ ದಿಲೀಪ್‌ ಟಿರ್ಕಿ ಹೇಳಿದರು.

“ಭಾರತೀಯ ಹಾಕಿಗೆ ಒಡಿಶಾ ಸರಕಾರ ನೀಡುತ್ತಿರುವ ಬೆಂಬಲ ಅತ್ಯಮೂಲ್ಯವಾದದ್ದು’ ಎಂಬುದು ಭೋಲಾನಾಥ್‌ ಹೇಳಿಕೆ.