ಕೋವಿಡ್ ನಿಂದ ಆರ್ಥಿಕ ಸಂಕಷ್ಟ: ಜೊಮೋಟೋದಲ್ಲಿ ಡಿಲೆವರಿ ಕೆಲಸಕ್ಕೆ ಸೇರಿದ ಯುವತಿ

ಒಡಿಶಾ : ಕೋವಿಡ್ ಲಾಕ್ ಡೌನ್ ಅದೆಷ್ಟೋ ಜನರ ಬದುಕನ್ನೇ ಬೀದಿ ಪಾಲು ಮಾಡಿದೆ. ತಿನ್ನಲು ಅನ್ನವಿಲ್ಲದೆ ಹಲವು ಮಂದಿ ಪರಿತಪಿಸಿದ್ದಾರೆ. ಇನ್ನು ಕೆಲವರು ಉದ್ಯೋಗಗಳನ್ನು ಕಳೆದುಕೊಂಡು ಕಷ್ಟ ಅನುಭವಿಸುತ್ತಿದ್ದಾರೆ. ಆರ್ಥಿಕವಾಗಿ ಸಂಕಷ್ಟ ಅನುಭವಿಸಿದ ಕುಟುಂಬದ ಯುವತಿಯೊಬ್ಬಳು ಜೊಮೋಟೊದಲ್ಲಿ ಕೆಲಸಕ್ಕೆ ಸೇರಿಕೊಂಡು ಡಿಲೆವರಿ ಕೆಲಸ ಮಾಡುವ ಮೂಲಕ ಮಾದರಿಯಾಗಿದ್ದಾಳೆ.

ಒಡಿಶಾದ ಬಿಷ್ಣುಪ್ರಿಯಾ ಎಂಬ ಯುವತಿಯು ಕಟ್ಟಕ್ ಪ್ರದೇಶದಲ್ಲಿ ಡಿಲವರಿ ಕೆಲಸಕ್ಕೆ ಸೇರಿದ್ದಾಳೆ. ಇವರ ತಂದೆ ಮೊದಲು ಡ್ರೈವರ್ ಕೆಲಸಕ್ಕೆ ಸೇರಿದ್ದು, ಕೋವಿಡ್ ನಿಂದ ಕೆಲಸವನ್ನು ಕಳೆದು ಕೊಂಡಿದ್ದಾರೆ. ಇದರಿಂದ ಬಿಷ್ಣುಪ್ರಿಯಾ ಅವರ ಕುಟುಂಬ ಆರ್ಥಿಕವಾಗಿ ಸಂಕಷ್ಟ ಎದುರಿಸಿದೆ.

ಇನ್ನು ಬಿಷ್ಣುಪ್ರಿಯಾ ದ್ವಿತೀಯ ಪಿಯುಸಿ ಓದುತ್ತಿದ್ದು, ತಮ್ಮ ವಿದ್ಯಾಭ್ಯಾಸಕ್ಕೂ ಕೂಡ ಹಣದ ಅವಶ್ಯಕತೆ ಇದೆ. ಈ ಕಾರಣದಿಂದ ಕೆಲಸಕ್ಕೆ ಸೇರಿರುವುದಾಗಿ ಯುವತಿಯು ಹೇಳಿಕೊಂಡಿದ್ದಾಳೆ.