Odisha: ಕುಟುಂಬಸ್ಥರ ಕಣ್ತಪ್ಪಿಸಲು ಟ್ರಂಕ್‌ನಲ್ಲಿ ಪ್ರಿಯಕರನ ಬಚ್ಚಿಟ್ಟ ಯುವತಿ!

ಭುವನೇಶ್ವರ: ಪ್ರೇಮಿಗಳಿಬ್ಬರು ಏಕಾಂತವನ್ನು ಕಳೆಯುತ್ತಿದ್ದ ಸಂದರ್ಭದಲ್ಲಿ ಯುವತಿಯ ಕುಟುಂಬಸ್ಥರು ದಿಢೀರ್‌ ಭೇಟಿ ನೀಡಿದ್ದರಿಂದ ಪ್ರಿಯಕರನನ್ನು ಪ್ರೇಯಸಿ ಟ್ರಂಕ್‌ನೊಳಗೆ ಬಚ್ಚಿಟ್ಟ ಘಟನೆ ಒಡಿಶಾದಲ್ಲಿ ನಡೆದಿದೆ.

ಬಳಿಕ ಯುವತಿಯ ಕುಟುಂಬಸ್ಥರು ವೀಡಿಯೋ ಚಿತ್ರೀಕರಣ ನಡೆಸುತ್ತಾ ಯುವ­ತಿಗೆ ಟ್ರಂಕ್‌ ತೆರೆಯಲು ಒತ್ತಾಯಿಸಿದ್ದಾರೆ. ಆರಂಭ­ದಲ್ಲಿ ನಿರಾಕರಿಸಿದರೂ ಒತ್ತಡಕ್ಕೆ ಮಣಿದ ಆಕೆ ಟ್ರಂಕ್‌ ತೆರೆದಾಗ ವಿಚಾರ ಗೊತ್ತಾಗಿದೆ. ಆತನ ಯುವತಿಯ ಕುಟುಂಬಸ್ಥರು ಹಲ್ಲೆಗೆ ಮುಂದಾದ ವೇಳೆ “ನಾವಿ­ಬ್ಬರೂ ಮದುವೆ ಆಗಿದ್ದೇವೆ’ ಎಂದು ತಿಳಿಸಿದ್ದಾಳೆ.