ಏಕದಿನ: ಪಾಕಿಸ್ಥಾನಕ್ಕೆ ಸುಲಭ ಜಯ

ಜೊಹಾನ್ಸ್‌ಬರ್ಗ್‌: ಆತಿಥೇಯ ದಕ್ಷಿಣ ಆಫ್ರಿಕಾ ವಿರುದ್ಧದ 4ನೇ ಏಕದಿನ ಪಂದ್ಯವನ್ನು 8 ವಿಕೆಟ್‌ಗಳಿಂದ ಗೆದ್ದ ಪಾಕಿಸ್ಥಾನ, ಸರಣಿಯನ್ನು 2-2 ಸಮಬಲಕ್ಕೆ ತರುವಲ್ಲಿ ಯಶಸ್ವಿಯಾಗಿದೆ.

ರವಿವಾರ ನಡೆದ ಮುಖಾಮುಖೀಯಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ದಕ್ಷಿಣ ಆಫ್ರಿಕಾ 41 ಓವರ್‌ಗಳಲ್ಲಿ 164ಕ್ಕೆ ಕುಸಿದರೆ, ಪಾಕಿಸ್ಥಾನ 31.3 ಓವರ್‌ಗಳಲ್ಲಿ ಎರಡೇ ವಿಕೆಟಿಗೆ 168 ರನ್‌ ಬಾರಿಸಿ ವಿಜಯಿಯಾಯಿತು. ಇಮಾಮ್‌ ಉಲ್‌ ಹಕ್‌ 71, ಫ‌ಕಾರ್‌ ಜಮಾನ್‌ 44 ಹಾಗೂ ಬಾಬರ್‌ ಆಜಂ ಔಟಾಗದೆ 41 ರನ್‌ ಮಾಡಿದರು.

ದಕ್ಷಿಣ ಆಫ್ರಿಕಾದ ದಿಕ್ಕು ತಪ್ಪಿಸಿದ ಪಾಕ್‌ ಬೌಲರ್‌ಗಳೆಂದರೆ ಉಸ್ಮಾನ್‌ ಶೇಣ್ವರಿ (35ಕ್ಕೆ 4), ಶಾಹಿನ್‌ ಅಫ್ರಿದಿ (24ಕ್ಕೆ 2) ಮತ್ತು ಶಾಬಾದ್‌ ಖಾನ್‌ (42ಕ್ಕೆ 2). ಆತಿಥೇಯರ ಪರ ಹಾಶಿಮ್‌ ಆಮ್ಲ 59, ನಾಯಕ ಫಾ ಡು ಪ್ಲೆಸಿಸ್‌ 57 ರನ್‌ ಹೊಡೆದರು.

ಜ. 30ರಂದು ಕೇಪ್‌ಟೌನ್‌ನಲ್ಲಿ ಅಂತಿಮ ಪಂದ್ಯ ನಡೆಯಲಿದೆ.