ಇನ್ನು ಶತಾಬ್ದಿ ರೈಲುಗಳಲ್ಲಿ ಅರ್ಧ ಲೀ. ನೀರು

ಹೊಸದಿಲ್ಲಿ: ಶತಾಬ್ದಿ ರೈಲುಗಳಲ್ಲಿ ನೀಡಲಾಗುವ 1 ಲೀಟರ್‌ನ ರೈಲ್‌ ನೀರ್‌ ಬಾಟಲಿಗಳನ್ನು ಅರ್ಧ ಲೀಟರ್‌ಗೆ ಇಳಿಸಲು ತೀರ್ಮಾನಿಸಲಾಗಿದೆ. ನೀರಿನ ಅಪವ್ಯಯ ತಡೆಯುವ ನಿಟ್ಟಿನಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆಎಂದು ರೈಲ್ವೆ ಸಚಿವಾಲಯದ ಹಿರಿಯ ಅಧಿಕಾರಿ ತಿಳಿಸಿದ್ದಾರೆ.

ಶತಾಬ್ದಿ ರೈಲುಗಳ ಗರಿಷ್ಠ ಪ್ರಯಾಣ ಅವಧಿ 8.30 ಗಂಟೆ. ರೈಲುಗಳಲ್ಲಿ 5 ಗಂಟೆಗಿಂತ ಅಧಿಕ ಅವಧಿ ಪ್ರಯಾಣಿಸುವವರೆಗೆ 1 ಲೀ. ನೀರಿನ ಬಾಟಲಿ ನೀಡಲಾಗುತ್ತಿತ್ತು. ಈಗ ಎಲ್ಲರಿಗೂ ಅರ್ಧ ಲೀ. ಬಾಟಲಿ ನೀಡಲಾಗುವುದು. ಹೆಚ್ಚು ನೀರು ಪಡೆಯಬಯಸುವರು ಹಣ ಕೊಟ್ಟು ಖರೀದಿಸತಕ್ಕದ್ದು ಎಂದು ರೈಲ್ವೆ ಮಂಡಳಿ ಹೇಳಿದೆ.