ಸ್ಟಾರ್‌ ಚಿಹ್ನೆಯಿರುವ ನೋಟುಗಳು ಸಿಂಧು: RBI ಸ್ಪಷ್ಟನೆ

ಮುಂಬಯಿ: ಸ್ಟಾರ್‌(*) ಚಿಹ್ನೆ ಇರುವ ಕರೆನ್ಸಿ ನೋಟುಗಳು ಇತರೆ ಬ್ಯಾಂಕ್‌ ನೋಟು ಗಳಂತೆಯೇ ಸಂಪೂರ್ಣ ಸಿಂಧುವಾಗಿದ್ದು, ಈ ವಿಚಾರದಲ್ಲಿ ಯಾವುದೇ ಅನುಮಾನ ಬೇಡ ಎಂದು ಭಾರತೀಯ ರಿಸರ್ವ್‌ ಬ್ಯಾಂಕ್‌ (ಆರ್‌ಬಿಐ) ಸ್ಪಷ್ಟನೆ ನೀಡಿದೆ.

ಈ ಚಿಹ್ನೆಯಿರುವಂಥ ನೋಟುಗಳು ಮಾನ್ಯವಲ್ಲ ಎಂದು ಸಾಮಾಜಿಕ ಜಾಲ ತಾಣಗಳಲ್ಲಿ ಚರ್ಚೆಯಾದ ಹಿನ್ನೆಲೆಯಲ್ಲಿ ಈ ರೀತಿ ಸ್ಪಷ್ಟನೆ ನೀಡಿರುವ ಆರ್‌ಬಿಐ “ದೋಷಪೂರಿತವಾಗಿ ಮುದ್ರಣಗೊಂಡ ನೋಟುಗಳ ಬದಲಿಗೆ ಬಳಸಲಾದ ಬ್ಯಾಂಕ್‌ ನೋಟುಗಳ ನಂಬರ್‌ ಪ್ಯಾನೆಲ್‌ನಲ್ಲಿ ಸ್ಟಾರ್‌(*) ಚಿಹ್ನೆಯನ್ನು ಸೇರ್ಪಡೆಗೊಳಿಸಲಾಗಿದೆ. ಹೀಗಾಗಿ ನಂಬರ್‌ ಪ್ಯಾನೆಲ್‌ನಲ್ಲಿ ಈ ಚಿಹ್ನೆಯಿರುವ ನೋಟುಗಳು ಸಿಂಧುವೇ ಆಗಿವೆ’ ಎಂದು ಹೇಳಿದೆ.