ವಾಟ್ಸ್‌ಆ್ಯಪ್‌ಗಿಲ್ಲ ನಿರ್ಬಂಧ

ಹೊಸದಿಲ್ಲಿ: ಬುಧವಾರ ವಿಶ್ವಾದ್ಯಂತ ವಾಟ್ಸ್‌ಆ್ಯಪ್‌ನಲ್ಲಿ ಚಿತ್ರಗಳು ಹಾಗೂ ವೀಡಿಯೋಗಳನ್ನು ಕಳುಹಿಸಲು ಸಮಸ್ಯೆಯಾಗಿದ್ದಕ್ಕೆ ಸರ್ವರ್‌ ದೋಷವೇ ಕಾರಣವಾಗಿದ್ದು, ವಾಟ್ಸ್‌ಆ್ಯಪ್‌ಗೆ ಯಾವುದೇ ನಿಷೇಧ ಅಥವಾ ನಿರ್ಬಂಧ ಹೇರಿಲ್ಲ. ವಾಟ್ಸ್‌ಆ್ಯಪ್‌ ಅನ್ನು ರಾತ್ರಿ 11.30ರಿಂದ ಬೆಳಗ್ಗೆ 6 ಗಂಟೆಯವರೆಗೆ ನಿರ್ಬಂಧ ಹೇರಲಾಗಿದೆ ಎಂಬುದಾಗಿ ವಾಟ್ಸ್‌ಆ್ಯಪ್‌ನಲ್ಲಿ ಸಂದೇಶ ಹರಿದಾಡುತ್ತಿದೆ. ಕೇಂದ್ರ ಸರಕಾರದ ಆದೇಶದ ಮೇರೆಗೆ ವಾಟ್ಸ್‌ಆ್ಯಪ್‌ ಅನ್ನು ನಿರ್ಬಂಧಿಸಲಾಗಿದೆ ಎಂದು ಸಂದೇಶಗಳಲ್ಲಿ ಉಲ್ಲೇಖೀಸಲಾಗಿದ್ದು, ಇದು ಸುಳ್ಳು ಎಂದು ಸರಕಾರ ಸ್ಪಷ್ಟಪಡಿಸಿದೆ. ಈ ತಪ್ಪುದಾರಿಗೆಳೆಯುವ ಸಂದೇಶ ಹಲವು ರೂಪದಲ್ಲಿ ಹಲವು ಗ್ರೂಪ್‌ಗ್ಳಲ್ಲೂ ಹರಿದಾಡುತ್ತಿದೆ.