ಕುದೂರು ಸಂತೆಯಲ್ಲಿಲ್ಲ ಶೌಚಾಲಯ

ಕುದೂರು: ಪ್ರತಿ ವರ್ಷ ವಾರ್ಷಿಕವಾಗಿ ಸುಮಾರು 3 ಲಕ್ಷ ರೂ. ಆದಾಯ ತರುವ ಕುದೂರು ಸಂತೆ ಬಯಲಿನಲ್ಲಿ ಶೌಚಾಲಯವೇ ಇಲ್ಲ. ಇದರಿಂದ ಪ್ರತಿ ಶನಿವಾರ ಸಂತೆಗೆ ಗ್ರಾಹಕರು ಹಾಗೂ ವ್ಯಾಪಾರಸ್ಥರ ಪಾಡು ಹೇಳ ತೀರದಾಗಿದೆ.

ವ್ಯಾಪಾರ, ಅತ್ತ ಜಲ ಬಾಧೆ ತಡೆಯಲಾಗದೆ ಹಳ್ಳ ಕೊಳ್ಳಗಳ ಕಡೆಗೆ ಹೋಗಿ ಮೂತ್ರ ವಿಸರ್ಜನೆ ಮಾಡಿ ಬರುವ ಪ್ರಸಂಗ ಸಾಮಾನ್ಯವಾಗಿದೆ. ಇನ್ನೂ ಮಹಿಳಾ ವ್ಯಾಪಾರಿಗಳು ಬಸ್‌ ನಿಲ್ದಾಣದ ಸಾರ್ವಜನಿಕ ಶೌಚಾಲಯ ಅವಲಂಭಿಸುವಂತಾಗಿದೆ. ಸಂತೆಸುಂಕ ಕಟ್ಟಿಸಿಕೊಂಡು ಶೌಚಾ ಲಯ ಕಟ್ಟಲು ಪಂಚಾಯಿತಿ ಮುಂದಾಗುತ್ತಿಲ್ಲ. ಅರ್ಧಕ್ಕೆ ನಿಂತ ಕಾಮಗಾರಿ: ಸಂತೆ ಅವರಣದಲ್ಲಿ ಈಗಾಗಲೇ ಗ್ರಾಪಂ ನರೇಗಾ ಹಾಗೂ ಸ್ವತ್ಛ ಭಾರತ್‌ ಮಿಷನ್‌ ಯೋಜನೆಯಡಿ ಅಂದಾಜು 5 ಲಕ್ಷ ರೂ. ವೆಚ್ಚದಲ್ಲಿ ಶೌಚಾಲಯ ನಿರ್ಮಾಣ ಕಾರ್ಯ ಅರ್ಧ ನಿಂತಿದ್ದು, ಕೇಳಿದರೆ ಅನುದಾನ ಬಿಡುಗಡೆಯಾಗಿಲ್ಲ ಎಂದು ಉತ್ತರಿಸುತ್ತಾರೆ.