“ಜನ್ಮಭೂಮಿ’ಬಿಡುಗಡೆಗಿಲ್ಲ ಅಡ್ಡಿ

ಹೊಸದಿಲ್ಲಿ: ಶುಕ್ರವಾರ ಬಿಡುಗಡೆಯಾಗಲಿರುವ “ರಾಮ್‌ ಕಿ ಜನ್ಮಭೂಮಿ’ ಚಿತ್ರದ ಬಿಡುಗಡೆಗೆ ತಡೆ ಕೋರಿ ಸಲ್ಲಿಸಲಾಗಿದ್ದ ಅರ್ಜಿಯನ್ನು ಸುಪ್ರೀಂ ಕೋರ್ಟ್‌ ವಜಾ ಮಾಡಿದೆ. ಅಯೋಧ್ಯೆ ವಿವಾದ ಕೋರ್ಟ್‌ನಲ್ಲಿ ಇನ್ನೂ ಇತ್ಯರ್ಥವಾಗದ ಕಾರಣ ಈ ಚಿತ್ರ ಬಿಡುಗಡೆ ಆದರೆ ಸಂಧಾನ ಪ್ರಕ್ರಿಯೆ ಮೇಲೆ ದುಷ್ಪರಿಣಾಮ ಬೀರುತ್ತದೆ ಎಂದು ಅರ್ಜಿದಾರರು ದೂರಿದ್ದರು. ಈ ಸಿನಿಮಾಕ್ಕೂ ಅಯೋಧ್ಯೆ ಮಧ್ಯಸ್ಥಿಕೆಗೂ ಯಾವುದೇ ಸಂಬಂಧವಿಲ್ಲ ಎಂದು ಹೇಳಿರುವ ನ್ಯಾಯಾಲಯ ಅರ್ಜಿ ವಜಾ ಮಾಡಿದೆ.