ರಾಮಮಂದಿರ ಸುತ್ತ ಮಸೀದಿ ನಿರ್ಮಿಸುವಂತಿಲ್ಲ: ವೇದಾಂತಿ

ಹೊಸದಿಲ್ಲಿ: ಅಯೋಧ್ಯೆಯ ರಾಮಮಂದಿರ ಸುತ್ತ ಎಲ್ಲಿಯೂ ಮಸೀದಿ ನಿರ್ಮಿಸಬಾರದು ಎಂದು ರಾಮ ಜನ್ಮಭೂಮಿ ನ್ಯಾಸ್‌ನ ಮಾಜಿ ಅಧ್ಯಕ್ಷ, ಬಿಜೆಪಿ ಮಾಜಿ ಶಾಸಕ ಮಹಾಂತ ರಾಮ್‌ ವಿಲಾಸ್‌ ವೇದಾಂತಿ ಹೇಳಿದ್ದಾರೆ. 

ಪುಣೆಯ ಎಂಟಿಐ ವರ್ಲ್ಡ್ ಪೀಸ್‌ ವಿವಿ ಯಲ್ಲಿ ಏರ್ಪಡಿಸಲಾಗಿದ್ದ ಸಭೆಯಲ್ಲಿ, 67 ಎಕರೆಗಳ ಭೂಮಿಯಲ್ಲಿ ಮಸೀದಿ ಸೇರಿದಂತೆ ಎರಡೂ ಧರ್ಮದ ದೇಗುಲ ನಿರ್ಮಿಸುವ ಕುರಿತು ಹಲವರು ಸಲಹೆ ನೀಡಿದ್ದು, ಅದನ್ನು ವೇದಾಂತಿ ಅವರು ತಿರಸ್ಕರಿಸಿದ್ದಾರೆ. ಯಾವ ಕಾರಣಕ್ಕೂ ಅಲ್ಲಿ ಮಸೀದಿ ನಿರ್ಮಿಸುವಂತಿಲ್ಲ. 2.7 ಎಕರೆ ಪ್ರದೇಶದಲ್ಲಿ ಮೂಲ ರಾಮಮಂದಿರ ಇದ್ದ ಸ್ಥಳದಲ್ಲಿ ರಾಮಮಂದಿರವಷ್ಟೇ ನಿರ್ಮಾಣವಾಗಬೇಕು ಎಂದಿದ್ದಾರೆ.