ಕಸ್‌ಗಂಜ್‌: ಹೊಸ ಹಿಂಸೆ ಇಲ್ಲ; ಇಬ್ಬರು ಆರೋಪಿಗಳಿಗಾಗಿ ಶೋಧ

ಕಸ್‌ಗಂಜ್‌: ಕಸ್‌ಗಂಜ್‌ನಲ್ಲಿ ನಿನ್ನೆ ಬುಧವಾರ ರಾತ್ರಿಯಿಂದೀಚೆಗೆ ಹೊಸದಾಗಿ ಯಾವುದೇ ಹಿಂಸೆ ನಡೆದಿಲ್ಲ;  ಇಡಿಯ ಪಟ್ಟಣದಲ್ಲೀಗ ಗನ್‌ಧಾರಿ ಭದ್ರತಾ ಸಿಬಂದಿಗಳು ಎಲ್ಲೆಡೆ ಎಂಬಂತೆ ಠಳಾಯಿಸುತ್ತಿರುವುದು ಕಂಡು ಬರುತ್ತಿದೆ.

ಇದೇ ವೇಳೆ ಇಬ್ಬರು ಆರೋಪಿಗಳಾದ ನಸೀಮ್‌ ಮತ್ತು ವಸೀಮ್‌ ಎಂಬವರಿಗಾಗಿ ಪೊಲೀಸರು ತೀವ್ರ ಶೋಧ ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ಇವರು ಸಲೀಂ ನ ಸಹೋದರರಾಗಿದ್ದು ಚಂದನ್‌ ಗುಪ್ತಾ ಹತ್ಯೆಯ ಮುಖ್ಯ ಆರೋಪಿಗಳಾಗಿದ್ದಾರೆ. 

30ರ ಹರೆಯದ ಸಲೀಮ್‌ ಮತ್ತು ಆತನ ಸಹೋದರರು 22ರ ಹರೆಯದ ಕಾಲೇಜು ವಿದ್ಯಾರ್ಥಿಯನ್ನು ಹತ್ಯೆಗೈದ ಆರೋಪಿಗಳಾಗಿದ್ದಾರೆ ಎಂದು ಪೊಲೀಸ್‌ ಅಧಿಕಾರಿಗಳು ತಿಳಿಸಿದ್ದಾರೆ.