ಸೌಲಭ್ಯಗಳಿಲ್ಲಿ, ಕಾಯಂ ಅಧಿಕಾರಿಯೂ ಇಲ್ಲ

ಔರಾದ: ತಾಲೂಕಿನ ಸಂತಪೂರ ಹೋಬಳಿ ಕೇಂದ್ರಸ್ಥಾನದಲ್ಲಿರುವ ತಾಲೂಕು ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳ ಕಚೇರಿ ಅಗತ್ಯ ಸೌಲಭ್ಯಗಳಿಲ್ಲಎಂದು ಆರೋಪ ಕೇಳಿಬಂದಿದೆ.

ಇಲ್ಲಿ ಜನಸಾಮಾನ್ಯರಿಗೆ ಕುಳಿತುಕೊಳ್ಳಲು ಸೂಕ್ತ ಆಸನ, ಕುಡಿಯಲು ನೀರು ಸೇರಿದಂತೆ ಮೂಲ ಸೌಲಭ್ಯಗಳಿಲ್ಲ. ಕಾಯಂ ಅಧಿಕಾರಿಯೂ ಇಲ್ಲ. ಸಕಾಲಕ್ಕೆ ಕಚೇರಿಗೆ ಬಾರದೆ ಇರುವ ಹಿನ್ನಲೆಯಲ್ಲಿ ಸಾರ್ವಜನಿಕರು ತಾಲೂಕು ಕೇಂದ್ರಸ್ಥಾನದಿಂದ 10 ಕಿಮೀ ಅಂತರದಲ್ಲಿರುವ ಕಚೇರಿ ಕೆಲಸಕ್ಕೆ ನಿತ್ಯ ಬರುವಂತಾಗಿದೆ.

ಭಾಗ್ಯಲಕ್ಷ್ಮೀ,ಉದ್ಯೋಗಿನಿ ಸೇರಿದಂತೆ ಇಲಾಖೆಯ ಕೆಲಸಗಳು ಆಗುತ್ತಿಲ್ಲ. ಕಚೇರಿಯಲ್ಲಿ ಸಿಬ್ಬಂದಿ ಇಲ್ಲದೆ ಖಾಲಿ ಖುರ್ಚಿಗಳು ಕಾಣುತ್ತಿವೆ ಎಂದು ಸಾರ್ವಜನಿಕರು ಆರೋಪಿಸಿದ್ದಾರೆ.