“ದಿ ವಿಲನ್‌ ‘ ಸಿನಿಮಾದಲ್ಲಿ ಶಿವರಾಜಕುಮಾರ್‌ ನಟಿಸುತ್ತಾರಾ, ಇಲ್ವಾ? ಹೀಗೊಂದು ಪ್ರಶ್ನೆ ಅನೇಕರಲ್ಲಿತ್ತು. ಅದರಲ್ಲೂ ಶಿವರಾಜಕುಮಾರ್‌ ಅಭಿಮಾನಿಗಳ ಮನದಲ್ಲಿ ಈ ಪ್ರಶ್ನೆ ಇತ್ತು. ಅದಕ್ಕೆ ಕಾರಣ, “ವಿಲನ್‌’ ಚಿತ್ರೀಕರಣ ಆರಂಭವಾಗಿ ಇಷ್ಟು ದಿನವಾದರೂ ಶಿವರಾಜಕುಮಾರ್‌, ಚಿತ್ರತಂಡವನ್ನು ಸೇರಿಕೊಂಡಿರಲಿಲ್ಲ.
ಬೆಂಗಳೂರಿನಲ್ಲಿ ಆರಂಭವಾದ ಚಿತ್ರೀಕರಣ ಆ ನಂತರ ಶಿವಮೊಗ್ಗಕ್ಕೆ ಹೋಗಿ, ಬೆಳಗಾವಿಗೆ ಶಿಫ್ಟ್ ಆಗಿ, ಅಲ್ಲಿಂದ ಬ್ಯಾಂಕಾಕ್‌ನಲ್ಲಿ ಶೂಟಿಂಗ್‌ ಮುಗಿಸಿ ಬಂದರೂ, ಶಿವರಾಜಕುಮಾರ್‌ ಮಾತ್ರ ಚಿತ್ರೀಕರಣದಲ್ಲಿ ಭಾಗವಹಿಸಿಲ್ಲ.ಸುದೀಪ್‌ ಹಾಗೂ ಇತರ ಕಲಾವಿದರು ಮಾತ್ರ ಆ ಚಿತ್ರೀಕರಣದಲ್ಲಿದ್ದರು. ಹಾಗಾಗಿ, ಶಿವರಾಜಕುಮಾರ್‌ ಯಾಕೆ ಭಾಗವಹಿಸುತ್ತಿಲ್ಲ, ಅವರು ಚಿತ್ರದಲ್ಲಿ ನಟಿಸ್ತಾರೋ, ಇಲ್ವೋ ಎಂಬ ಪ್ರಶ್ನೆ ಅನೇಕರಲ್ಲಿತ್ತು.
“ನೋ ಡೌಟ್‌, ಶಿವಣ್ಣ ನಟಿಸ್ತಾರೆ. ಅವರ ಫೋರ್ಶನ್‌ ಲಂಡನ್‌ನಿಂದಲೇ ಆರಂಭವಾಗುತ್ತದೆ’ ಎನ್ನುತ್ತಾರೆ ಪ್ರೇಮ್‌. ಶಿವರಾಜಕುಮಾರ್‌ ಅವರ ಚಿತ್ರೀಕರಣ ಲಂಡನ್‌ನಲ್ಲಿ ಆರಂಭವಾಗಲಿದೆ. ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ಈ ಹಿಂದೆಯೇ “ದಿ ವಿಲನ್‌’ ತಂಡ ಲಂಡನ್‌ಗೆ ಹೋಗಬೇಕಿತ್ತು.
ಆದರೆ ಅಲ್ಲಿ ಭಯೋತ್ಪಾದಕ ದಾಳಿ ನಡೆದಿದ್ದರಿಂದ ಶೆಡ್ನೂಲ್‌ನಲ್ಲಿ ಬದಲಾವಣೆ ಮಾಡಿಕೊಂಡು ಬ್ಯಾಂಕಾಕ್‌ಗೆ ತೆರಳಿ, ಅಲ್ಲಿ ಆ್ಯಕ್ಷನ್‌ ದೃಶ್ಯಗಳ ಚಿತ್ರೀಕರಣ ಮಾಡಿಕೊಂಡು ಈಗ ಚಿತ್ರತಂಡ ವಾಪಾಸ್‌ ಆಗಿದೆ. ಈಗ ಲಂಡನ್‌ಗೆ ತೆರಳಲು “ದಿ ವಿಲನ್‌’ ತಂಡ ರೆಡಿಯಾಗಿದೆ. ಶಿವರಾಜಕುಮಾರ್‌, ಸುದೀಪ್‌ ಹಾಗೂ ಆ್ಯಮಿ ಜಾಕ್ಸನ್‌ ಅವರು ಅಲ್ಲಿನ ಚಿತ್ರೀಕರಣದಲ್ಲಿ ಭಾಗವಹಿಸಲಿದ್ದಾರೆ.
ಜುಲೈ 12ಕ್ಕೆ ಶಿವರಾಜಕುಮಾರ್‌ ಅವರ ಹುಟ್ಟುಹಬ್ಬವಿದ್ದು, ಅದು ಮುಗಿಸಿಕೊಂಡು ಜುಲೈ 14ಕ್ಕೆ ಶಿವರಾಜಕುಮಾರ್‌ ಲಂಡನ್‌ಗೆ ತೆರಳಲಿದ್ದಾರೆ. “ಶಿವಣ್ಣ ನಟಿಸುತ್ತಾರಾ, ಇಲ್ವಾ ಎಂದು ಅನೇಕರು ಕೇಳುತ್ತಿದ್ದಾರೆ. ಖಂಡಿತಾ ನಟಿಸುತ್ತಿದ್ದಾರೆ. ಜುಲೈ 14 ರ ನಂತರ ಅವರು ಲಂಡನ್‌ಗೆ ಬಂದು ಚಿತ್ರೀಕರಣದಲ್ಲಿ ಭಾಗವಹಿಸಲಿದ್ದಾರೆ’ ಎನ್ನುತ್ತಾರೆ ಪ್ರೇಮ್‌. ಲಂಡನ್‌ನಲ್ಲಿ ಜುಲೈ 22ರವರೆಗೆ ಚಿತ್ರೀಕರಣ ನಡೆಯಲಿದೆ.
ನಿರ್ದೇಶಕ ಪ್ರೇಮ್‌ ಜುಲೈ 8ರಂದೇ ಲಂಡನ್‌ಗೆ ಹೋಗಿ ಚಿತ್ರೀಕರಣಕ್ಕೆ ಬೇಕಾದ ತಯಾರಿ ಮಾಡಿಕೊಳ್ಳಲಿದ್ದಾರೆ. ಲಂಡನ್‌ ಚಿತ್ರೀಕರಣ ಮುಗಿಸಿಕೊಂಡು ಬೆಂಗಳೂರಿಗೆ ವಾಪಾಸ್‌ ಆಗುವ ಚಿತ್ರತಂಡ ಮತ್ತೆ ಲೇಹ್‌ ಲಡಾಕ್‌ಗೆ ಹಾಡುಗಳ ಚಿತ್ರೀಕರಣಕ್ಕೆ ತೆರಳಲಿದೆ. ಸುಮಾರು 13 ಶೆಡ್ನೂಲ್‌ಗ‌ಳಲ್ಲಿ “ದಿ ವಿಲನ್‌’ ಚಿತ್ರೀಕರಣ ನಡೆಯಲಿದೆ.
