ಬೆಡ್‌ ಸಿಗದೇ ಪೆಟ್ರೋಲ್‌ ಬಂಕ್‌ಲ್ಲಿ ಕಾಲ ಕಳೆದ ರೋಗಿ

ಬನಹಟ್ಟಿ: ಜಮಖಂಡಿ ತಾಲೂಕಿನ ತೊದಲಬಾಗಿ ಗ್ರಾಮದ ಗದಿಗೆಪ್ಪ ಕೋಟ್ಯಾಳ ಎಂಬ ವೃದ್ಧ ಖಾಸಗಿ ಆಸ್ಪತ್ರೆಯಲ್ಲಿ ಬೆಡ್‌ ಸಿಗದೇ ನಗರಸಭೆ ಕಾರ್ಯಾಲಯ ಎದುರಿಗಿನ ಪೆಟ್ರೋಲ್‌ ಬಂಕ್‌ನಲ್ಲಿ ಕಾಯ್ದು ಕುಳಿತ ಪ್ರಸಂಗ ನಡೆಯಿತು.

ನಮ್ಮ ತಂದೆಗೆ ಕೋವಿಡ್‌ನ‌ ಯಾವುದೇ ಲಕ್ಷಣಗಳಿಲ್ಲ. ಅಸ್ತಮಾ ರೋಗದಿಂದ ಬಳಲುತ್ತಿದ್ದಾರೆ. ಸೋಮವಾರ ಬೆಳಿಗ್ಗೆ ಎದೆ ನೋವಿನಿಂದ ಬಳಲ ತೊಡಗಿದ ಅವರನ್ನು ಕರೆದುಕೊಡು ಐದಾರು ಆಸ್ಪತ್ರೆ ಅಲೆದರೂ ಬೆಡ್‌ ಸಿಗಲಿಲ್ಲ. ನಮ್ಮನ್ನು ತಂದು ಇಳಿಸಿದ ಕಾರು ಚಾಲಕ ಹೋಗಿ ಬಿಟ್ಟ. ಹೀಗಾಗಿ ಪೆಟ್ರೋಲ್‌ ಬಂಕ್‌ನಲ್ಲಿ ಕಾಯ್ದು ಕುಳಿತುಕೊಳ್ಳವಂತಾಯಿತೆಂದು ವೃದ್ಧನ ಮಗ ಶ್ರೀಶೈಲ ಹೇಳಿದ್ದಾರೆ.