Paris Olympics: ಬಂಗಾರ ಗೆದ್ದರೂ ದೇಶ ಪ್ರತಿನಿಧಿಸುವ ಭಾಗ್ಯವಿಲ್ಲ !

ಪ್ಯಾರಿಸ್‌: ಒಲಿಂಪಿಕ್ಸ್‌ನಲ್ಲಿ ಬೆಲರೂಸ್‌ ಪರ ಕಣಕ್ಕಿಳಿದಿರುವ ಇವಾನ್‌ ಲಿಟ್ವಿನೋವಿಚ್‌ ಟ್ರ್ಯಾಂಪೋಲಿನ್‌ ಜಿಮ್ನಾಸ್ಟಿಕ್ಸ್‌ನಲ್ಲಿ ಚಿನ್ನ ಗೆದ್ದಿದ್ದಾರೆ. ಆದರೆ ಈ ಪದಕ ಬೆಲರೂಸ್‌ ಹೆಸರಿಗೆ ಸೇರುವುದಿಲ್ಲ. ಕಾರಣ, ಉಕ್ರೇನ್‌ ವಿರುದ್ಧ ಯುದ್ಧ ಮಾಡಲು ರಷ್ಯಾಕ್ಕೆ ಬೆಲರೂಸ್‌ ಬೆಂಬಲ ನೀಡಿರುವುದು!

ರಾಷ್ಟ್ರಧ್ವಜ, ದೇಶದ ಹೆಸರಿಲ್ಲದೇ ತಟಸ್ಥ ಆಟಗಾರರಾಗಿ ಅವರು ಕಾಣಿಸಿಕೊಂಡಿದ್ದಾರೆ. ತಟಸ್ಥ ಸ್ಪರ್ಧಿಯೊಬ್ಬ ಈ ಒಲಿಂಪಿಕ್ಸ್‌ನಲ್ಲಿ ಮೊದಲ ಬಂಗಾರ ಗೆದ್ದ ಸಾಧನೆಯನ್ನೂ ಮಾಡಿದ್ದಾರೆ. ಒಲಿಂಪಿಕ್ಸ್‌ ಟ್ರ್ಯಾಂಪೋಲಿನ್‌ ಜಿಮ್ನಾಸ್ಟಿಕ್ಸ್‌ನಲ್ಲಿ ಸತತ 2 ಚಿನ್ನ ಗೆದ್ದಿರುವ ಮೊದಲ ಆ್ಯತ್ಲೀಟ್‌ ಕೂಡ ಹೌದು.