ನಿತೀಶ್‌-ಶರದ್‌ ವೈಮನಸ್ಯ ಶೀಘ್ರ ಶಮನ: ನಾಡಗೌಡ

ಬೆಂಗಳೂರು: ಸಂಯುಕ್ತ ಜನತಾದಳದ ಹಿರಿಯ ನಾಯಕರಾದ ನಿತೀಶ್‌ಕುಮಾರ್‌ ಹಾಗೂ ಶರದ್‌ ಯಾದವ್‌ ನಡುವಿನ ವೈಮನಸ್ಯ ಬೇಗ ತಿಳಿಯಾಗಲಿದೆ ಎಂದು ಜೆಡಿಯು ರಾಜ್ಯಾಧ್ಯಕ್ಷ ನಾಡಗೌಡ ಆಶಯ ವ್ಯಕ್ತಪಡಿಸಿದ್ದಾರೆ.

ಪಕ್ಷದ ವಿದ್ಯಮಾನಗಳ ಬಗ್ಗೆ ಪ್ರತಿಕ್ರಿಯಿಸಿದ ಅವರು, ಎಲ್ಲವೂ ಮುಗಿದಿಲ್ಲ, ನಿತೀಶ್‌ ಕುಮಾರ್‌ ಹಾಗೂ ಶರದ್‌ ಯಾದವ್‌ ನಡುವೆ ಮಾತುಕತೆಗೆ ವೇದಿಕೆ ಸಿದ್ಧಪಡಿಸುವ ಪ್ರಯತ್ನಗಳು ನಡೆದಿವೆ. ಇಬ್ಬರೂ ಜತೆಯಾಗಿರಬೇಕು ಎಂಬುದೇ ನಮ್ಮ ಆಶಯ. ಎಲ್ಲ ಬೆಳವಣಿಗೆಗಳನ್ನು ಸೂಕ್ಷ್ಮವಾಗಿ ಗಮನಿಸಲಾಗುತ್ತಿದೆ. ಮುಂದೇನು ಆಗುತ್ತದೆ ಈಗಲೇ ಹೇಳಲಾಗದು. ಅಂತಹ ಸಂದರ್ಭ ಬಂದರೆ ರಾಜ್ಯ ಪದಾಧಿಕಾರಿಗಳ ಸಭೆ ಕರೆದು ತೀರ್ಮಾನ ಕೈಗೊಳ್ಳಬೇಕಾಗುತ್ತದೆ ಎಂದು ಹೇಳಿದರು.