ನಿತೀಶ್‌ ಕುಮಾರ್‌ -ಪ್ರಶಾಂತ್‌ ಕಿಶೋರ್‌ ಡಿನ್ನರ್‌ ಮೀಟಿಂಗ್‌

ಪಾಟ್ನಾ: ಬಿಹಾರ ಮುಖ್ಯಮಂತ್ರಿ ನಿತೀಶ್‌ ಕುಮಾರ್‌ ಶುಕ್ರವಾರದಂದು ಪಶ್ಚಿಮ ಬಂಗಾಳದ ಟಿಎಂಸಿಯ ರಾಜಕೀಯ ತಂತ್ರಗಾರ ಪ್ರಶಾಂತ್‌ ಕಿಶೋರ್‌ರೊಂದಿಗೆ ರಾತ್ರಿಯ ಔತಣಕೂಟ ನಡೆಸಿದ್ದಾರೆ. ಈ ವಿಚಾರ ಅನೇಕ ಊಹಾಪೋಹಗಳಿಗೆ ಕಾರಣವಾಗಿದೆ.

ಪ್ರಶಾಂತ್‌ ಕಿಶೋರ್‌ ಈ ಹಿಂದೆ ನಿತೀಶ್‌ ಅವರ ಜೆಡಿಯುನಲ್ಲೇ ಇದ್ದಿದ್ದು, ನಿತೀಶ್‌ ಅವರೇ ಅವರನ್ನು ಪಕ್ಷದ ಪ್ರಮುಖ ಸ್ಥಾನದಿಂದ ಕಿತ್ತೆಸೆದಿದ್ದರು. ಆದರೆ ಇದೀಗ ಆ ಜೋಡಿಯೇ ಮತ್ತೆ ಒಂದಾಗಿದೆಯೇ ಎನ್ನುವ ಪ್ರಶ್ನೆಗಳು ಹುಟ್ಟಿಕೊಂಡಿವೆ.

ಈ ಬಗ್ಗೆ ಪ್ರಶಾಂತ್‌ ಕಿಶೋರ್‌ ಮಾತನಾಡಿದ್ದು, “ನಿತೀಶ್‌ ಅವರಿಗೆ ಒಮಿಕ್ರಾನ್‌ ದೃಢವಾದಾಗ ಕರೆ ಮಾಡಿ ಮಾತನಾಡಿದ್ದೆ. ಆಗ ಅವರು ಭೇಟಿ ಮಾಡುವ ವಿಚಾರವಾಗಿ ಮಾತನಾಡಿದ್ದರು. ಆ ಹಿನ್ನೆಲೆ ಅವರನ್ನು ಭೇಟಿ ಮಾಡಿದ್ದೆ’ ಎಂದು ಹೇಳಿದ್ದಾರೆ.