ಹತ್ಯೆಗೊಳಗಾದ ನಿಶಾ ತಂದೆ ಸಿಆರ್‌ಪಿಎಫ್ ಇನ್‌ಸ್ಪೆಕ್ಟರ್‌!

ಸೋನೆಪತ್‌ (ಹರ್ಯಾಣ): ಇಲ್ಲಿನ ಹಲಾಲ್ಪುರದಲ್ಲಿರುವ ಕುಸ್ತಿ ಅಕಾಡೆಮಿಯಲ್ಲಿ ಬುಧವಾರ ಸ್ಥಳೀಯ ಕುಸ್ತಿಪಟು ನಿಶಾ ದಹಿಯಾ, ಆಕೆಯ ಸಹೋದರ ಸೂರಜ್‌ ದಹಿಯಾ ಅವರನ್ನು ಗುಂಡಿಟ್ಟು ಹತ್ಯೆ ಮಾಡಲಾಗಿತ್ತು. ಗುಂಡು ಹಾರಿಸಿದ್ದಾರೆ ಎನ್ನಲಾಗಿರುವ ಕೋಚ್‌ ಪವನ್‌ ಪರಾರಿಯಾಗಿದ್ದಾನೆ. ಆತನನ್ನು ಹುಡುಕಲಾಗುತ್ತಿದೆ.

ವಿಶೇಷವೆಂದರೆ, ಹತ್ಯೆಗೊಳಗಾಗಿರುವ ನಿಶಾ ಅವರ ತಂದೆ ಶ್ರೀನಗರದಲ್ಲಿ ಸಿಆರ್‌ಪಿಎಫ್ ಇನ್‌ಸ್ಪೆಕ್ಟರ್‌ ಆಗಿದ್ದಾರೆ. ಕೋಚ್‌ ಪವನ್‌ ತನಗೆ ಕಿರುಕುಳ ನೀಡುತ್ತಿದ್ದಾನೆ ಎಂದು ನಿಶಾ ಆರೋಪಿಸಿದ್ದರು. ಇದರಿಂದ ಸಿಟ್ಟಾದ ಪವನ್‌ ಗುಂಡು ಹಾರಿಸಿದ್ದಾನೆ ಎಂದು ವರದಿಗಳು ಹೇಳಿವೆ. ನಿಶಾ ಅವರ ತಾಯಿ ತೀವ್ರವಾಗಿ ಗಾಯಗೊಂಡು ರೋಹrಕ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇದನ್ನೂ ಓದಿ:ಮುಂದಿನ ವರ್ಷ 5 ಜಿ ಸ್ಪೆಕ್ಟ್ರಂ ಹರಾಜು: ಸಚಿವ ಅಶ್ವಿ‌ನಿ ವೈಷ್ಣವ್‌

ಸುಶೀಲ್‌ಗೆ ಸಂಬಂಧವಿಲ್ಲ
ವಿಚಿತ್ರವೆಂದರೆ, ಹಲಾಲ್ಪುರದಲ್ಲಿರುವ ಕುಸ್ತಿ ಅಕಾಡೆಮಿಗೆ ಸುಶೀಲ್‌ ಕುಮಾರ್‌ ಹೆಸರಿಡಲಾಗಿದೆ. ಆದರೆ ಇದಕ್ಕೂ ವಿಶ್ವವಿಖ್ಯಾತ ಕುಸ್ತಿಪಟು ಸುಶೀಲ್‌ಗೆ ಯಾವುದೇ ಸಂಬಂಧವಿಲ್ಲ! ಇದರ ಮಾಲಕ, ಕೋಚ್‌ ಎಲ್ಲವೂ ಪವನ್‌ ಅವರೇ. ಇವರು ರೋಹrಕ್‌ನ ಬಲಂದ್‌ನವರು. ಘಟನೆಯ ಬಳಿಕ ಈ ಅಕಾಡೆಮಿ ಕಟ್ಟಡವನ್ನು ರೊಚ್ಚಿಗೆದ್ದ ಹಳ್ಳಿಗರು ಸುಟ್ಟು ಬೂದಿ ಮಾಡಿದ್ದಾರೆ.