Advertisement

ನೀರವ್‌ ಮೋದಿಯಿಂದ PNB ಗೆ 14,356.84 ಕೋಟಿ ರೂ. ನಷ್ಟ

05:16 PM May 15, 2018 | udayavani editorial |

ಮುಂಬಯಿ : ಬ್ಯಾಂಕ್‌ ವಂಚನೆ ಪ್ರಕರಣದಲ್ಲಿ ವಿದೇಶಕ್ಕೆ ಪಲಾಯನ ಮಾಡಿರುವ ಬಿಲಿಯಾಧಿಪತಿ ವಜ್ರಾಭರಣ ವ್ಯಾಪಾರಿ ನೀರವ್‌ ಮೋದಿ ಯಿಂದ ತನಗೆ 14,356.84 ಕೋಟಿ ರೂ. ನಷ್ಟ ಉಂಟಾಗಿದೆ ಎಂದು ಪಂಜಾಬ್‌ ನ್ಯಾಶನಲ್‌ ಬ್ಯಾಂಕ್‌ ಇಂದು ಹೇಳಿದೆ. 

Advertisement

ನೀರವ್‌ ಮೋದಿ ಮತ್ತು ಆತನ ಕಂಪೆನಿಗಳಿಂದ ನಡೆದಿದ್ದ ಬ್ಯಾಂಕ್‌ ವಂಚನೆ ಮೊದಲಾಗಿ ಮುಂಬಯಿಯಲ್ಲಿ ಪಿಎನ್‌ಬಿ ಯ ಬ್ರ್ಯಾಡಿ ಹೌಸ್‌ ಶಾಖೆಯಲ್ಲಿ ಪತ್ತೆಯಾಗಿತ್ತು. ಲೆಟರ್‌ ಆಫ್ ಅಂಡರ್‌ ಟೇಕಿಂಗ್‌ ಮತ್ತು ಫಾರೀನ್‌ ಲೆಟರ್‌ ಆಫ್ ಕ್ರೆಡಿಟ್‌ ವಹಿವಾಟಿನಲ್ಲಿ ಬ್ಯಾಂಕಿನ ಸ್ವಿಫ್ಟ್ ಮೆಸೇಜಿಂಗ್‌ ವ್ಯವಸ್ಥೆಯನ್ನು  ಕೆಲವು ಉನ್ನತ ಬ್ಯಾಂಕ್‌ ಸಿಬಂದಿಗಳ ಶಾಮೀಲಾತಿಯೊಂದಿಗೆ ದುರುಪಯೋಗಿಸಿಕೊಂಡು ಸಾಗರೋತ್ತರ ವಹಿವಾಟಿನಲ್ಲಿ  ಬ್ಯಾಂಕಿಗೆ  ಕೋಟ್ಯಂತರ ರೂಪಾಯಿ ಪಂಗನಾಮ ಹಾಕಲಾಗಿತ್ತು.

ಈ ಬಹು ಸಹಸ್ರ ಕೋಟಿ ಬ್ಯಾಂಕ್‌ ವಂಚನೆ ಪ್ರಕರಣದಲ್ಲಿ ನೀರವ್‌ ಮೋದಿ, ಆತನ ಸಹೋದರ ನಿಶಾಲ್‌ ಮೋದಿ ಮತ್ತು ನೀರವ್‌ ಮೋದಿ ಕಂಪೆನಿಯ ಓರ್ವ ಎಕ್ಸಿಕ್ಯುಟಿವ್‌ ಸುಭಾಶ್‌ ಪರಬ್‌ ಶಾಮೀಲಾತಿಗೆ ಸಂಬಂಧಿಸಿ ಸಿಬಿಐ ನಿನ್ನೆ ತನ್ನ ಮೊದಲ ಚಾರ್ಜ್‌ ಶೀಟ್‌ ದಾಖಲಿಸಿತ್ತು. 

Advertisement

Udayavani is now on Telegram. Click here to join our channel and stay updated with the latest news.

Next