ನಿಪಾ ಭೀತಿ: ಶೂಟಿಂಗ್‌ ಸ್ಪರ್ಧೆಗೆ ಕೇರಳ ಬದಲು ದಿಲ್ಲಿ ಆತಿಥ್ಯ

ಕೊಚ್ಚಿ: ಮಾರಣಾಂತಿಕ ನಿಪಾ ವೈರಸ್‌ ಭೀತಿಯಿಂದಾಗಿ ಕೇರಳದಲ್ಲಿ ನಡೆಯಬೇಕಿದ್ದ ರಾಷ್ಟ್ರೀಯ ಅರ್ಹತಾ ಶೂಟಿಂಗ್‌ ಕೂಟವನ್ನು ಹೊಸದಿಲ್ಲಿ ವರ್ಗಾಯಿಸಲಾಗಿದೆ.

ಮೇ 30ರಿಂದ ಜೂ. 18ರ ವರೆಗೆ ರಾಷ್ಟ್ರೀಯ ಹಿರಿಯ, ಕಿರಿಯರ, ಪುರುಷರ ಮತ್ತು ಮಹಿಳಾ ರೈಫ‌ಲ್‌ ಪಿಸ್ತೂಲ್‌ ವಿಭಾಗದಲ್ಲಿ ಕೂಟವು ತಿರುವನಂತಪುರದಲ್ಲಿ ನಡೆಯಬೇಕಿತ್ತು. ಸದ್ಯ ಕೇರಳದಲ್ಲಿ ನಿಪಾ ರುದ್ರನರ್ತನ ಮಾಡುತ್ತಿದೆ. ಎಲ್ಲೆಡೆ ಕಟ್ಟೆಚ್ಚರ ವಹಿಸಲಾಗಿದೆ. ಮುನ್ನೆಚ್ಚರಿಕೆ ಹಿನ್ನೆಲೆಯಲ್ಲಿ ಕೂಟವನ್ನು ಹೊಸದಿಲ್ಲಿಗೆ ವರ್ಗಾಯಿಸಿದ್ದೇವೆ ಎಂದು ಸಂಘಟಕರು ತಿಳಿಸಿದ್ದಾರೆ.