ಅಂಬಾನಿ ನಿವಾಸ ಸಮೀಪ ಸ್ಫೋಟಕ ಪತ್ತೆ ಪ್ರಕರಣ : ಹಿರನ್‌ ಮನೆಗೆ ಎನ್‌ಐಎ ಭೇಟಿ

ಮುಂಬೈ: ಉದ್ಯಮಿ ಮುಕೇಶ್‌ ಅಂಬಾನಿ ನಿವಾಸ ಸಮೀಪ ಸ್ಫೋಟಕ ಪತ್ತೆ ಪ್ರಕರಣದ ಬಳಿಕ ನಿಗೂಢ ಹತ್ಯೆಗೀಡಾಗಿದ್ದ ಮನ್‌ಸುಖ್‌ ಹಿರನ್‌ ಮನೆಗೆ ಎನ್‌ಐಎ ತಂಡ ಸೋಮವಾರ ಭೇಟಿ ನೀಡಿದೆ.

ವಿಕಾಸ್‌ ಪಾಮ್ಸ್‌ ಸೊಸೈಟಿಯಲ್ಲಿರುವ ಮನೆಗೆ ಮಧ್ಯಾಹ್ನ 2ಕ್ಕೆ ಭೇಟಿ ನೀಡಿದ್ದ ಎನ್‌ಐಎ ಅಧಿಕಾರಿಗಳು ಸಂಜೆ 5.30ರವರೆಗೂ ಸಂತ್ರಸ್ತನ ಕುಟುಂಬಸ್ಥರಿಂದ ಕೆಲವು ಮಹತ್ವದ ವಿಚಾರಗಳನ್ನು ಕಲೆಹಾಕಿದ್ದಾರೆ.

ಎನ್‌ಐಎ ನೂತನ ಅಧಿಕಾರಿ, ಐಜಿಪಿ ಗ್ಯಾನೇಂದ್ರ ವರ್ಮಾ, ಎಸ್ಪಿ ವಿಕ್ರಮ್‌ ಖಳಾಟೆ ಸೇರಿದಂತೆ ಹಲವು ಅಧಿಕಾರಿಗಳು ಈ ವೇಳೆ ಉಪಸ್ಥಿತರಿದ್ದರು. ಇದು ಹಿರನ್‌ ಮನೆಗೆ ಎನ್‌ಐಎ ಕೈಗೊಂಡ ಎರಡನೇ ಭೇಟಿ.

ಇದನ್ನೂ ಓದಿ :ರೆಮಿಡಿಸಿವಿಯರ್‌ ಮಾಫಿಯಾ : ಪೊಲೀಸರಿಂದ 8ಕ್ಕೂ ಅಧಿಕ ಮಂದಿ ಸೆರೆ