ಈ ಪ್ರಕರಣದಲ್ಲಿ ಎನ್‌.ಐ.ಎ.ಯಿಂದ ಬಂಧಿಸಲ್ಪಟ್ಟವರಲ್ಲಿ ರೇಶಿ ಐದನೇ ಆರೋಪಿಯಾಗಿದ್ದಾನೆ. ಈ ಮೊದಲು ಬಂಧಿತರಾಗಿದ್ದ ದಾಳಿ ಪ್ರಕರಣದ ಆರೋಪಿಗಳಾದ ನಿಸಾರ್‌ ಅಹಮ್ಮದ್‌ ತಂತ್ರೆ ಮತ್ತು ಸೈಯದ್‌ ಹಿಲಾಲ್‌ ಅಂದ್ರಾಬಿಯನ್ನು ವಿಚಾರಣೆ ನಡೆಸಿದ ಬಳಿಕ ಎನ್‌.ಐ.ಎ. ನಡೆಸಿದ ಫಾಲೋ ಅಪ್‌ ತನಿಖೆಯಲ್ಲಿ ರೇಶಿಯ ಬಂಧನವಾಗಿದೆ.
Advertisement
ಜೈಶ್‌ ಎ ಮಹಮ್ಮದ್‌ ಸಂಘಟನೆಗೆ ಸೇರಿರುವ ರೇಶಿ ಒಬ್ಬ ಕ್ರಿಯಾಶೀಲ ಕಾರ್ಯಕರ್ತನಾಗಿದ್ದು ಸಂಘಟನೆಯ ಕೆಲಸಗಳನ್ನು ತಳಮಟ್ಟದಿಂದ ಮಾಡುತ್ತಿದ್ದ ಎಂದು ಎ.ಎನ್‌.ಐ. ಹೇಳಿದೆ. ಈತ ಜೈಶ್‌ ಕಮಾಂಡರ್‌ ನೂರ್‌ ಮಹಮ್ಮದ್‌ ತಾಂತ್ರೆ ಅಲಿಯಾಸ್‌ ನೂರ್‌ ತ್ರಾಲಿಯ ನಿಕಟವರ್ತಿಯಾಗಿದ್ದ ಎಂಬ ಮಾಹಿತಿಯೂ ಇದೀಗ ಲಭ್ಯವಾಗಿದೆ.