2022 ರ ಫಿಫಾ ವಿಶ್ವಕಪ್ ನ ಕ್ವಾರ್ಟರ್ ಫೈನಲ್‌ ನಲ್ಲಿ ಐದು ಬಾರಿಯ ಚಾಂಪಿಯನ್‌ ಬ್ರೆಜಿಲ್ ಹೊರಬಿದ್ದಿದೆ. ಕ್ರೊವೇಷಿಯಾ ವಿರುದ್ಧದ ನಾಕೌಟ್ ಪಂದ್ಯದಲ್ಲಿ ಪೆನಾಲ್ಟಿ ಶೂಟೌಟ್ ನಲ್ಲಿ ಸೋಲನುಭವಿಸಿದ ಬ್ರೆಜಿಲ್ ತನ್ನ ವಿಶ್ವಕಪ್ ಅಭಿಯಾನ ಅಂತ್ಯಗೊಳಿಸಿತು.
ಪೆನಾಲ್ಟಿಯಲ್ಲಿ 4-2 ಅಂತರದಿಂದ ಸೋಲನುಭವಿಸಿದ ಬ್ರೆಜಿಲ್ ಆಘಾತವನ್ನು ಎದುರಿಸಿತು. ಪಂದ್ಯ ಸೋತ ಬಳಿಕ ಸ್ಟಾರ್ ಆಟಗಾರ ನೇಯ್ಮರ್ ಬಿಕ್ಕಿಬಿಕ್ಕಿ ಅತ್ತರು.
ನೇಯ್ಮರ್ 2019 ರಲ್ಲಿ ರಿಯೊ ಒಲಿಂಪಿಕ್ ಚಿನ್ನದ ಪದಕ ಮತ್ತು ಕೋಪಾ ಅಮೇರಿಕಾ ಪ್ರಶಸ್ತಿಯನ್ನು ಗೆದ್ದರು ಆದರೆ ವಿಶ್ವಕಪ್ ಗೆಲುವಿನ ಅವಕಾಶ ಮತ್ತೆ ತಪ್ಪಿದೆ.
ಇದನ್ನೂ ಓದಿ:“ನಾನು ದೊಡ್ಡ ತಪ್ಪು ಮಾಡಿದೆ.. ಆಪ್‌ ಸೇರಿದ ಕೆಲವೇ ಗಂಟೆಗಳಲ್ಲಿ ʼಘರ್‌ ವಾಪಸ್ಸಿʼ ಆದ ಕಾಂಗ್ರೆಸ್ ಸದಸ್ಯರು
ಪಂದ್ಯದ ಬಳಿಕ ಮಾತನಾಡಿದ ಅವರು, ಮುಂದೆ ಬ್ರೆಜಿಲ್ ಆಡುವ ಖಚಿತ ಭರವಸೆ ನೀಡಿಲ್ಲ. ನನಗೀಗ 34 ವರ್ಷವಾಗಿದೆ. ಈಗಲೇ, ಈ ಕ್ಷಣದಲ್ಲೇ ಏನೂ ಹೇಳಲಾಗದು ಎಂದು ನೇಯ್ಮರ್ ಹೇಳಿದರು.
“ನಾನು ಅದರ ಬಗ್ಗೆ ಯೋಚಿಸಲು ಈ ಸಮಯವನ್ನು ತೆಗೆದುಕೊಳ್ಳಲು ಬಯಸುತ್ತೇನೆ. ನಾನು ಬ್ರೆಜಿಲ್ ಪರವಾಗಿ ಆಡುವುದೇ ಇಲ್ಲ ಅಥವಾ ನಾನು ತಂಡಕ್ಕೆ ಹಿಂತಿರುಗುತ್ತೇನೆ ಎಂದು 100% ಹೇಳುವುದಿಲ್ಲ” ಎಂದು ಅಡ್ಡಗೋಡೆಯ ಮೇಲೆ ದೀಪವಿಟ್ಟಂತೆ ಮಾತನಾಡಿದ್ದಾರೆ.
ಬ್ರೆಜಿಲ್ ತಂಡದ ಸದಸ್ಯ ಡ್ಯಾನಿ ಅಲ್ವಿಸ್ ಅವರು ಅಂತಾರಾಷ್ಟ್ರೀಯ ಆಟದಿಂದ ವಿದಾಯ ಹೇಳುವುದಾಗಿ ಹೇಳಿದ್ದಾರೆ.
