ಸೋಲು ತಪ್ಪಿಸಲು ಶ್ರೀಲಂಕಾ ಹೋರಾಟ

ವೆಲ್ಲಿಂಗ್ಟನ್‌: ನ್ಯೂಜಿಲ್ಯಾಂಡ್‌ ತಂಡದೆದುರಿನ ಮೊದಲ ಟೆಸ್ಟ್‌ನಲ್ಲಿ ಶ್ರೀಲಂಕಾ ತಂಡವು ಸೋಲು ತಪ್ಪಿಸಲು ಹೋರಾಟ ನಡೆಸುತ್ತಿದೆ. ಕುಸಲ್‌ ಮೆಂಡಿಸ್‌ ಮತ್ತು ಏಂಜೆಲೊ ಮ್ಯಾಥ್ಯೂಸ್‌ ಅವರ ಸಾಹಸದ ಶತಕದಿಂದಾಗಿ ಪ್ರವಾಸಿ ತಂಡವು ಸೋಲಿನಿಂದ ಪಾರಾಗುವ ಆಶಾಭಾವ ಹೊಂದಿದೆ.

ಇನ್ನು ಒಂದು ದಿನದ ಆಟ ಬಾಕಿ ಉಳಿದಿದ್ದು ಮೊದಲ ಇನ್ನಿಂಗ್ಸ್‌ನಲ್ಲಿ ಮುನ್ನಡೆ ಪಡೆಯಲು ಶ್ರೀಲಂಕಾ ತಂಡ 37 ರನ್‌ ಗಳಿಸಬೇಕಾಗಿದೆ. ಕೈಯಲ್ಲಿ ಇನ್ನೂ 7 ವಿಕೆಟ್‌ ಇರುವ ಕಾರಣ ತಂಡ ಇನ್ನಿಂಗ್ಸ್‌ ಸೋಲಿನಿಂದ ಪಾರಾಗುವುದು ಖಚಿತವಾಗಿದೆ. ಆದರೆ ಸೋಲು ತಪ್ಪಿಸಲು ದಿನಪೂರ್ತಿ ಆಡಬೇಕಾಗಿದೆ.