ನ್ಯೂಜಿಲೆಂಡ್‌ನ‌ಲ್ಲಿ ಧೂಮಪಾನಕ್ಕೆ ಪೂರ್ತಿ ನಿಷೇಧ?

ವೆಲ್ಲಿಂಗ್‌ಟನ್‌: ಸಿಗರೇಟ್‌, ತಂಬಾಕನ್ನು ಯುವಕರಿಂದ ಸಂಪೂರ್ಣವಾಗಿ ದೂರವಿರಿಸುವ ನಿಟ್ಟಿನಲ್ಲಿ ನ್ಯೂಜಿಲೆಂಡ್‌ ಸರ್ಕಾರ ಹೊಸ ಕಾನೂನು ತರಲು ಸಿದ್ಧವಾಗಿದೆ. 14 ವರ್ಷದೊಳಗಿನವರಿಗೆ ಸಿಗರೇಟ್‌ನ್ನು ಸಂಪೂರ್ಣವಾಗಿ ನಿಷೇಧಿಸುವ ಯೋಜನೆ ಹಾಕಿಕೊಳ್ಳಲಾಗಿದ್ದು, ಅದನ್ನು ಪ್ರತಿ ವರ್ಷ ಒಂದು ವರ್ಷ ಹೆಚ್ಚಿಸುವುದಾಗಿ ಹೇಳಲಾಗಿದೆ.

ಸದ್ಯ ನ್ಯೂಜಿಲೆಂಡ್‌ನ‌ಲ್ಲಿ 18 ವರ್ಷದೊಳಗಿನವರಿಗೆ ಸಿಗರೇಟ್‌ ಬಳಕೆಗೆ ಅವಕಾಶವಿದೆ. ಅದನ್ನು ಮುಂದಿನ ವರ್ಷ 14 ವರ್ಷಕ್ಕೆ ಇಳಿಸಲಾಗುವುದು. ಹಾಗೆಯೇ ಕಾಯ್ದೆ ಆರಂಭವಾಗಿ ಒಂದು ವರ್ಷಕ್ಕೆ ಸಿಗರೇಟ್‌ ಬಳಕೆಗೆ ಕನಿಷ್ಠ ವಯಸ್ಸನ್ನು 15 ವರ್ಷಕ್ಕೆ ಏರಿಸಲಾಗುವುದು. ಅದೇ ರೀತಿ ಪ್ರತಿ ವರ್ಷ ಕನಿಷ್ಠ ವಯಸ್ಸಿನ ಮಿತಿಯನ್ನು ಏರಿಕೆ ಮಾಡಿ, ಈಗ ಅಪ್ರಾಪ್ತ ವಯಸ್ಸಿನಲ್ಲಿರುವವರನ್ನು ಸಂಪೂರ್ಣವಾಗಿ ಸಿಗರೇಟ್‌ ಬಳಕೆಯಿಂದ ದೂರ ಮಾಡಲಾಗುವುದು ಎನ್ನಲಾಗಿದೆ.